|
وش رايكم في إنتاج فجل البل " معانقان" بسم الله الرحمن الرحيم أعرض لكم هذه الصوره وأطلب رأيكم في إنتاج فجل البل " معانقان " *** |
رد: وش رايكم في إنتاج فجل البل " معانقان" من استشارك دخل في ذمتك اذا كان اكثر انتاجه على شكلية الحواره هذي ومن ابل مقنوي عادية فهو فحل ويزين المراح // حاول تدور له ضرايب طيبة وعمرها زين بيجيبلك حيران المزاين باذن الله والحواره هذي تتميز بالجبر وكبر الراس وهي ناقة جمل في المستقبل باذن الله لكنها ليست حوارة مزاين لان الرقبه وسط والراس ماهب ذاك الصنف وسنامها وسط ماهب مأخر ورى والجنب ماهب عريض// لكن مثل ماقلت لك ناقة جمل مستقبلا وانتاج // ولاتنسى العمر الزين (النظر) الطول ضروري انكانك تدور ابل المزاين لك تحياتي وهذه صراحتي |
رد: وش رايكم في إنتاج فجل البل " معانقان" اتفق مع اخوي ناصر |
رد: وش رايكم في إنتاج فجل البل " معانقان" الفحل منتج بداوه ان كان امهاته ادون منه شكل وسر فاعتقد ان الحواره على ما فيها من قصور في الزين لكن اعجبني فيها الوسره الاذن والعرنون والعرقوب والخد والله يبارك لك فيما عطاك |
رد: وش رايكم في إنتاج فجل البل " معانقان" كلام الاخ ناصر عين الصواب واعطاك المختصر المفيد ونظرته نظرت اهل ابل والله يبارك لك فيها |
رد: وش رايكم في إنتاج فجل البل " معانقان" الرقبه وسط شوي عليك بامهات تكون ارقابها زينه تساعد البعير |
| الساعة الآن 57 : 09 AM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |