منتـديـات مــزايـن

منتـديـات مــزايـن (http://www.mzayan.com/vb/index.php)
-   الوسائط المتعددة لمزاين (http://www.mzayan.com/vb/forumdisplay.php?f=105)
-   -   كنوز البداوه لشلعان الودعاني (http://www.mzayan.com/vb/showthread.php?t=388)

محمد ال الضريره 26 / 07 / 2005 55 : 12 PM

كنوز البداوه لشلعان الودعاني
 
[poet font="Simplified Arabic,4,blue,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
بدعت المثايل والمثايل لها بيبان = الى فتحت بيبانها حاك ما فيها
على القصد والمقصود بعدل القيفان = عسى راعي البل عند ذوده يغنيها
يغني بها في خايع ٍ عله الودان =بذيك النفود اللي عسى الغيث يسقيها
تهشم ربابه من طريف ٍ الى نجران = مداهيل عوج السيق ربي رضا فيها
تشوف الخزاما والشقاري مع المكنان = تخالف زهرها ساكنات ٍ ذواريها
تكبر قياع الرمث من زاهر الحوذان = كساها ولي العرش واحسن كساويها
مداهيل حلوات اللبن خلقة الرحمن = مجاهيم سود ٍ خالق الكون مسويها
مجاهيم جاذبها الفحل والوجيه زيان = وساع ٍ مرافقها طوال ٍ خطاويها
جليلات عظم الساق مرفوعة الحجبان = طوال الرقاب مشرهبات ٍ اذانيها
عراض الخدود اللي تماري بها البدوان = كبار الفقار موسعة صدر راعيها
مجاهيم رمليات لخشومها نيشان = ترافض بلادمها حداد ٍ نواصيها
هوى القلب خطوى نايفه والضلوع متان = تجي باالحلا والزين وترد به فيها
كبيرة مزر الورك فجحامن السيقان = تخنطل قوايمها كبار ٍ مواطيها
تمايح بذيل ٍ مثل دراهة الغـّران= نهار الطرب هذا لهذا يوديها
لها غارب ٍ متقدم ٍ شامخ ٍ مليان = يدافر حباك العيز والعيز حاليها
وساع ٍ منادغها من الزور للكيعان = بها كل شي ٍ زين والملح غاشيها
طيوح ٍ تحذف اشنافها واسعة بيعان = فروع ٍ فتون البيد عسم ٍ ايداديها
ولا رايعت كن المعنق على رمان = تعوجه من العانق خفوق ٍ لواحيها
سنود ٍ من الغارب فسيحه من الذرعان = عسى ربنا من شر خلقه ينجيها
والبل تراها السود والصهب ياالضفران = وشقح ٍ سواد اذيالها فاصل ٍ فيها
انا حب شوف الوضح وضاحة الالوان = مغاتير من جلد الوضيحي تحاليها
مغاتير جذابات ومكحلات اعيان = جميع الوصايف كلها كامله فيها
مغاتير فنس خشوم فيها الدريعي يان = عرانينها وشعوفها فاصله فيها
مغاتير معروفات وطبوعن زيان = على الصوت تبغي راعي الصوت يدعيها
الى شفتهن رتوع في خاطي الجيان = تشادي القنوف المرسيه بامر واليها
مغاتير لامن سمعت الصوت والدندان = لاكن الذيابه تهتوش عندتاليها
مغاتير لا غنى المغني على عليان = ضربها السطر لا صاح بالصوت راعيها
الى جلعت لاكنها شرد الغزلان = وراها المفرد يابسات ٍ علابيها
الى من ذعرها الصوت واستولت الميدان = يقوس ذرايب عجها من سماريها
ركد عجها من سجها والجرس رنان = تجي ذي مع هاذي وهاذي تباريها
{ترى البل فرح وسرور من خلقة الانسان } = { عسى الله يبور بواحد ٍ باير ٍ فيها }
كنوز البداوه منقذة راعي البستان = موارث جدود ٍباشهب الملح تحميها
مداخيلها عسره على بايع الرمان = ولا تصلح البل كون في مرح اهاليها
حلا ماحلا مرواحها تجذب الحيران = الى اقبل غروب الشمس والليل ضاويها
على بيت من هو يكرم الضيف والجيران = عشير النشاما كل ما حل طاريها
عسى من يسوق المال في غالية الاثمان = يبارك له الرحمن فيها ويذريها
انا قلتها وادخل على الله من النسيان = مع الناس صفر وزرق ماني بناسيها
وحمر ٍوشعل ٍتختلف بينها الالوان = الى تاه فيها الوصف تعرف باساميها
ترى البل تعز الرجل تكفون ياالشحعان = حرام ٍ عليكم تركها والطمع فيها
وصلاة ربي عد ما لاح برق وبان = بسود القنوف اللي غلاظ ٍ مثانيها
على الهادي المبعوث بسنه من الرحمن = شفيع امته لا نوديت بامر واليها

للشاعر / شلعان بن فهيد الودعاني الدوسري
اخوكم / محمد ال الضريره
[/poet]

مبارك بن حسين 26 / 07 / 2005 14 : 03 PM

وحمـر ٍوشعـل ٍتختلـف بينهـا الالـوان الى تاه فيها الوصـف تعـرف باساميهـا


و انا اشهد

اخوي محمد

الله لايهينك ويجمل حالك

وصح لسان الدوسري ولاهان

موفق

خالد عبدالله السبيعي 27 / 07 / 2005 14 : 01 AM

ترى البل تعز الرجل تكفـون ياالشحعـان @@@ حـرام ٍ عليكـم تركهـا والطمـع فيهـا

==============

صدق شاعرها فكم من رجل لا يعرف إلا في محيطه فقط

وبعد امتلاكه للابل سمع به القاصي والداني

والفضل يعود لله ثم لامتلاكه الابل عطايا الله

مـحـمـد ال الـضـريـره

سلمت يمينك والله لا يهينك

وصح لسان الشاعر شلعان بن فهيد الودعاني الدوسري

عز الله انه كفى ووفى

تقبل اطيب تحية

اخوك

العبيه 09 / 08 / 2005 35 : 06 AM



مرحبا اخووي محمـد

صباح الرضـــى

لك الف شكر على هالاختيار الجــزل

وصح لسان شاعرها

اختك العبيه

جاسم الجربوعي 09 / 08 / 2005 45 : 10 PM

محمد ال ضريره

لاهنت يالغالي على النقل الجميل وبيض الله وجهك

وصح السان الشاعر / شلعان بن فهيد على لبيات الرايعه

موفق

مشعل اليامي 10 / 07 / 2006 17 : 01 PM

مشكوور اخوي محمد

وصح لسان الشاعر الودعاني

للرفع

مغليك

مشعل اليامي

عبدالرحمن المقباس 12 / 07 / 2006 18 : 09 PM

الاخ محمد ال ضريره
لاهنت على نقل هذه القصيده الرائعه للشاعرالرائع رحمة الله عليه
شكرا وتقبل تحياتي

محمد ال الضريره 10 / 01 / 2007 43 : 09 AM

مبارك بن حسين

وفقنا الله واياك لطاعة ومرضاته

خالص تقديري

محمد ال الضريره 10 / 01 / 2007 44 : 09 AM

خالد السبيعي

يمينك سالمه

ولاهنت

خالص تقديري

محمد ال الضريره 10 / 01 / 2007 45 : 09 AM

العبيه

اختي العبيه

مرحبا ،،،،،،،،، مرحبا

محمد ال الضريره 10 / 01 / 2007 46 : 09 AM

جااااااااااااسم الجربوعي

مرحبا ماهتز النخيل ودنق البخيل

ووجهك ابيض

محمد ال الضريره 10 / 01 / 2007 47 : 09 AM

مشعل اليامي

لاشكر على واجب

خالص تقديري

محمد ال الضريره 10 / 01 / 2007 48 : 09 AM

عبد الرحمن المقباس

ولاانت يا عبد الرحمن

خالص تقديري


الساعة الآن 09 : 07 PM بتوقيت مسقط

Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى

Ads Management Version 3.0.1 by Saeed Al-Atwi

جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى

This Forum used Arshfny Mod by islam servant
vEhdaa 1.1 by NLP ©2009