وينك يامدور الانتاج
 

وينك يامدور الانتاج

معشر على بعير طيب سومه مليون بعير ابن سليم ال مهران واول انتاجه حيران ذا الزمان ولاهي بواجد منها قعود سيم ب سبعين الف على ما اذكر وبكره يقولون سيمت ب 140 الف وماتت عسى الله يخلف على راعيها
والبعير من عيال بعير فهد بن سلطان اللي مشري ب مليون وسبع ميه الف واصله من ابل ال جحيش ال مره

الناقه ام خامس واصلها من ال عشواء ابل ال بقيع من ال مره وبناتها من خيرة اللي في المراح وهي سالمة العذاريب وهديه ولبنها زين وعذروبها الوحيد ان ميخارها الايمن عزوز شوي يعني حلبته قويه
السوم البارح ب ثلاثة الاف ريال وراعيها محتاج واذا وقف سومها باعها لحاجته وهي ارخص الحلال اللي عنده
عسى الله يربحه وياكم

وهذي صوره للناقه
http://www.m5zn.com/uploads/9ed44522e1.jpg


اخوكم راشد العرق

السلام عليكم ورحمة الله وبركاته
اخوان الاعضاء والزوار حياكم الله
بالنسبه للناقه وصل سومها خارج المنتدى الى 8000 ريال

لهذا وجب التنويه والله يربح راعيها وياكم


وهذا رقم راعيها لمن له شف
0509097714
محمد

اخوكم راشد العرق

بسم الله الرحمن الرحيم
مرحبا بالاخ راشد
ماشاء الله تبارك الله عليها ويستر على الي في بطنها
حسب كلام ومعلوماتك الاكيده مفيها شك
علي 4000ريال

مرحبا يابومطر
ولاهنت وجزاك الله خير على السومه والناقه وصلت 8500 ريال

عسى الله يربح بايعها وشاريها

اخوك راشد العرق

السلام عليكم
الله يرزقك البيعه الطيبة
يابو علي ، ويبارك لكم وللشاري
وشكرًا

وصل سوم الناقه 9000 ريال
والله يجزاك خير يابو نايف

الله يرزق راعيها القيمه الزينه
وانت الله لايحرمك الاجر

الله يبارك لبايعها وشاريهاا

والله لا يهينك يارااشد على هالتوضيح الطيب

هلابك ياغالي

يعطيك الف عافيه

والله يوفق الجميع

السلام عليكم ورحمة الله وبركاته

الناقه بيعت يالربع
ادعو لشاريها بالبركه والربح وتدخل عليه بالخير

ارررحب ياراشد

والله يبارك للشاري ويخلف على البايع

ويبيض وجه الوسيط

ارررحب ياراشد

والله يبارك للشاري ويخلف على البايع

ويبيض وجه الوسيط

الله يربح البايع والشاري

ارررحب ياراشد

والله يبارك للشاري ويخلف على البايع

مرحبا بكم جميعا وعسى الله يربح الجميع
البايع والشاري وكل من شارك بالردود والدعوات الطيبه