|
تكفون البعير ثلاثة ايام ما ياكل السلام عليكم ورحمة الله بركاتة يا خواني انا عندي البعير اول البدى كان مايبول وبعدين عالجتة وبال بعد كذا على طول صار ما عاد ياكل صار له ثلاثة ايام ودمنة صغير وبطنة منتفخ |
رد: تكفون البعير ثلاثة ايام ما ياكل البعير يا انه معكوم يعني منسد بطنه او انه فيه ارتفاع في انزيم الكبد وهذا يخليه ماياكل ولا يشرب وعلاجه نفس علاج الاوادم |
رد: تكفون البعير ثلاثة ايام ما ياكل هذا والله العالم الشوكه لانه صار عندي قبل اسبوعين وجبت البيطريي وقال معه الشوكه عطاه ملين وابرة بنسلين لمده 4 ايام والحين صاحي 100% |
رد: تكفون البعير ثلاثة ايام ما ياكل كفوا ووفوا الاخوان والله يعافي بعيرك ويرزقك منه |
رد: تكفون البعير ثلاثة ايام ما ياكل مادامه يخرج فلاهو بعاكم ، البعير يمكن يكون عنده الشوكة اذا شفت دمنه مستدق ويصعب تفتيته فتراها الشوكة ويعالجونها بكية مشط على الكلو لكنها مشوهه للبعير ، راجع البيطري يعطيك مضادات كما يلزمك تاخذ لك خمسة جوالين لبن من البقالة مع جالون زيت سمسم وتعقلون البعير وتوثقونه ثم تغرونه اولا بالسمسم ثم تلحقونه اللبن وكرر اللبن يومين غير متتاليين وان شاالله يعتق |
رد: تكفون البعير ثلاثة ايام ما ياكل الله لا يهنكم على الردود لاكن الدكتور قال لي ان عنده مثل التسمم الدموي وتعفن في البطن |
رد: تكفون البعير ثلاثة ايام ما ياكل انصحك أخوي مطلق بتحليل الدم والدمن ( أعزكم الله ) تحليل شامل والنتائج تطلع لك في نفس اليوم والثمن رخيص بحدود 300 ريال وطلع البيطري يسحب لك عينة الدم وبعد النتائج تستطيع أخذ الدواء المناسب مع أني اشك فيه التهاب كلى |
رد: تكفون البعير ثلاثة ايام ما ياكل أذا البعير بوله أعزكم الله فيه دم هذا فشل كلوي ودمنته مثل صغيره ولها راس حاد هذه شوكه أسمع روح للبطري وخله ياخذ عينه من الدم والبول والدمن وراح يبين المرض وتاخذ العلاج المضبوط والمناسب . |
| الساعة الآن 18 : 09 AM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |