|
وش علاج الهيام ياخوان الله يجزاكم خير وش علاج الهيام وشنو اوصافه ياليت تفيدونا والناقه عندنا مواته ونبي غير الابره وهل الابره تظرها ياليت الافاده من اهل الخبر |
رد: وش علاج الهيام الاخ عبد عبد الرحمن طلما انت من اهل الكويت اكو خبير بالابل عندك بالكويت اسمه ابو شافي الشمري جبناه مره لناقة فيها هيام والناقة كانت مواته وبفضل الله اولا ثم بفضل هذا الشخص تم علاجها ,, والعلاج كان ثلاث كويات + اعشاب هو جابها معاه ولاكن اولا مره اشوفها + ابر هذا رقمة 0096565925949 ترى الرقم هذا قديم مادري عندنه للحين ولا لا وسلامتك اسئل الله ان يشفي ناقتك |
رد: وش علاج الهيام علاج الهيام أسم الإبره : سيملاراسان 20مل في اللحم CYMELARSAN تجي بودرة وتخلط معها ماء مقطر أو غلي الماء وتركه يبرد تعطى للقحات عادي من بعد 3 أشهر السعر 95 - 100 ر . س ________ تحياتي .. |
رد: وش علاج الهيام مشكورين ولاهنت على الرقم وادق من اليوم مايرد ويا الربع الي عنده وصفه شي يجيبها الله يجزاكم خير |
رد: وش علاج الهيام للاسف اخي عبد الرحمن ماعندي له غير الرقم الي عطيتك |
رد: وش علاج الهيام وعليكم السلام ورحمه الله وبركاته فيه خلطه علاج يستخدمها البعض ويثنى عليها يخلط قليل من الرشاد والحبه السودا وحب الفلفل الاسود والحلبه وطحنها جميعاً مع قليل من البر وتعجن بالماء وتعطى كل يوم 3 لقم كبيره لمده اسبوع واسئال الله ان يشفى ناقتك |
رد: وش علاج الهيام |
رد: وش علاج الهيام أخوي عبد الرحمن كل عام وانت بخير اذا أمسيت أقر اذكار المساء وتمش مع ربعك بحدى هالحزوم الي عندكم ودور حية أم جنيب أذبحها وأقطع رأسها وذنبها وبلعها الناقة وبأذن المولى انها تطيب ( مجرب) |
رد: وش علاج الهيام علاج الهيام حزمه حرمل اطبخه لمده نصف ساعه وخله لين يكون دافي مثل حليب الناقه واشخله واسقها المويه هذا من واقع تجربه وكذلك فيه ابر يمدحونها الناس وانا ماجربتها |
رد: وش علاج الهيام الله يجزاكم خير والناقه الحمد لله طابت كوينها ثلاث كويات وحال تسر |
رد: وش علاج الهيام ا لــحــمــد لــلــه |
رد: وش علاج الهيام عليك بالابره الفرنسية للهيام اللي قيمتها 95 ريال وانحش من الابره الهنديه اللي قيمتها 25 ريال |
رد: وش علاج الهيام الهيام وانا اخوك اول شي تراه مايعدي النياق عشان كذا لاتعزل الناقه عشان تتطلق وتحرك فبه ابره فرنسيه ب ٩٥ ريال تعطيها ١٥ سم وبعد اسبوعين بالضبط تعطيها مره ثانيه هذا بالنسبه للإبر. وبالنسبه للعلاج بالأعشاب خذ لك كيلو ثوم واطحنه واقسمه اربع اقسام وعط الناقه كل ٣ ايام الثوم مع الماء اخلطه يعني ٤ مرات كل. ٣ ايام وبألنسبه للكي مالي خبره فيه لكن الهيام اذا ماكان مزمن فيه رجاء لكنالمزمن مشكله انا قبل اسبوعين مات لي بكره من اطيب نياقي ذبحها الهيام والله يعوضنا |
رد: وش علاج الهيام اخوي سلطان الهيام معدي معدي حتى لو قالوبعض البيطريين انه مهوب معدي ردها عني من واقع تجربه ولي عودة للموضوع والتعقيب عليه |
رد: وش علاج الهيام الهيام ماهو معدي وارد كلامي علي أهل العرف من أهل البل. لكن المعدي هو. السلاق |
| الساعة الآن 21 : 12 PM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |