|
تسمين الابل للمزاين السلام عليكم ورحمه الله وبركاته عندي ابل اللون: وضح :عددها حول ال40 ماهي افضل طريقه لتسمينها ونزينها وسلامتكم |
رد: تسمين الابل للمزاين ماشا الله جعلها تبارك وفر في المعلف من البرسيم و الشعير لين البل تصدر منه و قبل العرض بيومين او ثلاث اقتصد في العلف و ألماء شوي و مش البل 40 كيلو كل يوم 20 رايح و 20 جاي و بعده ان شاالله تغدي البل ظهور و ارقاب و الطريقة مجربه و معروفه |
رد: تسمين الابل للمزاين الممشى زين للبل وشف لها ارض طيبه نفود حطلها بالماء شراب دود وبعدها بكم اسبوع عط البل كلها ابره جرب الامريكيه جيده جداً لشعرة البل حلق البل وغسلها كل اسبوع مره واذا البل وضح انتبه من الفيري ترى كثرته يغير لونها وانا افضل مايغسل فيه ابد العلف عليك بالشعير والبرسيم وبالنسبه للماء سهيل ظهر والحمد لله الوضع طيب خل الصبي يسقيها يوم وراء يوم واذا الجو حار يسقيها ماء ومثل ماقال اخوي زياد قلل العلف قبل العرض ويفضل اسبوع بالنسبه للشعير يبيلك لعدد اربعين اربع اكياس شعير يومي معدل كيس لكل عشر من البل والبرسيم يكون ناقع عند البل ولا مانع من اضافه الذره الحمراء او المكعب وخل الصبي وهو على الرحول يلقم البل خبز ويرفع يده فوق عشان ارقاب البل ونتمنى لك وللجميع التوفيق |
رد: تسمين الابل للمزاين ماقصرتو يااخوان جعله في ميزان حسانتكم طيب هل المداور الرودس او الذره او مدور الشوفان يغطي عن البرسيم |
رد: تسمين الابل للمزاين مافي افضل من البرسيم بالنسبه لشعرة البل وناقه البرسيم اذا قطعت عنها البرسيم تغير شعرتها بشكل سريع |
رد: تسمين الابل للمزاين غدها 2شعير و2 مكعب وخلها تسرح وفي المساء عشها 10 برسيم + 4 تبن |
رد: تسمين الابل للمزاين كلام الاخ بندر المطيري 100% |
رد: تسمين الابل للمزاين عليك بالشعير والبرسيم من ناحيت الشعير4 عطها الصبح ثم سرحها اذا هدفت امل حياضه من البرسيم |
رد: تسمين الابل للمزاين بس اذا مافازت عطها تبن بالقطاره بعد كل هالعنا من البرسيم والشعيروالمساريح ... فالك النخبه وانا اخوك |
رد: تسمين الابل للمزاين الله يحييك . الاخوه ماقصروا . تنوع العلف ووفرته شي طيب للابل . من الافضل أعطائها برسيم + مكعب الوافي على ان يحفظ المكعب في مكان ظلال وبعيد عن الشمس , اضافه الى الخبز او الطحين ان امكن . ويفضل البرسيم في المساء لارتفاع درجة حرارته . تعلق للابل مكعبات الملح الكبريتيه المطعمه بفيتامينات الكالسيوم , مع تطغين الابل بالابر الخاصه بالجرب , ويفضل الكشف الدوري من قبل البيطري مشي الابل وقت البراد لعدة كيلومترات مع ركبي وتلقيمهن الطحين حتى يركبن القليصه . اختيار المكان المناسب للابل بحيث يكون المكان مساس وبعيد عن مناطق الرطوبه . والله اعلم . |
رد: تسمين الابل للمزاين اكرم البل من البرسيم والشعير لين تصد عنه وحط البل في النفود عشان ابورة البل |
| الساعة الآن 22 : 05 PM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |