ايها أفضل الناقه ام الجمل (( رحول )) !!!!!!!
 

الاخ نواف الضيغمي السلام عليكم ورحمة الله وبركاته

على المدى القصير
الخصي افضل اذا كان سمين وشبب هو افضل من الناقه لان الذكر عادة اقوي واصبر من الانثى هذا بالنسبه للركوب والخصي ايضا لا يهيج ولا ييسر

وعلى المدى البعيد
الناقه افضل لانها تقضي اللازم وقد تستفيد منها في الانتاج عليها وجعل عندك انتاج جيد للزمن لان الابل اذا مافيها هجن وطوعات للركوب يكون عليها نقص لان الظروف قد تجبرك على اللجؤ اليها يوما ما ولا بد للبل من رحول فاذا كانت مافيها هجن لابد لراعيها من الاشتراء من السوق وكون الواحد عنده عمانيه ينتج عليها ويعسف الانتاج عسافة رحول
اخير له وللزمن وتكون سبير ويبادل بينها لان الرحول ماهي في خير وتضعف غصب على راعيها

هذا رأيي وانت صاحب القرار
والله يوفقك والجميع لما فيه الخير في الدنيا والاخره

اخوك راشد العرق

اشكرك اخي العزيز راشد العرق ... علي التفصيل والشرح الوافي يا السنافي

اعتقد اني راح اشريه لانه شبب ومطواع ..... ولسبب ثاني وهو ان الابل الي شريتها هالجمل هو رحولها ...

والله يوفق الجميع لما يحب ويرضى

السلام عليكم ورحمة الله وبركاته\

اخوي نواف انا أأيد كلام الاخ راشد واالافصل للأبل من ناحية الممشي الخصي ولاكن الناس اتفضل الذلول لانها اسرع بالعسف