|
ياأهل العرف وش علاج الناقة الي تضلع مرحبا باأخواني منتدى مزاين السلام عليكم ورحمة الله وبركاتة أخواني عندي ناقة لها اسبوعين تضلع من يدها كانت في شبكها مابها شي بركت ويوم جيت اقومها ليدها اليمنى من عند الخف منتفخه ولا تقدر تاطا عليها وتنكع منها يعني تجزعها والناقة مابها شي ان شايفه اول اليل ماعليها خلاف بصراحة انا توقعت أنه مقروصة المهم في اليوم الثاني جبت لها علاج مضاد للمفاصل واعطيتها منه لمدة يومين 25 سم والناقة من بعدها وهي ماهي زينة أكلها قل واحالها راح ردي عظم وجلد صارت هزله ماخلايت عنها من العلاجات شي أبي حل يالربع فيها انا ماعاد ادري وش علتها ومازالت يدها منتفخة الى هالحين بس اخف من اول |
رد: ياأهل العرف وش علاج الناقة الي تضلع ما دام ما خليت عنها من العلاجات اشوف انك تاجل العلاج شوي وتخليها تطلع من الشبك تمشي وتطلق يمكن من الحبسه والشبك |
رد: ياأهل العرف وش علاج الناقة الي تضلع ترى الممشى زين للانتفاخات طلعها من الشبك خلها تطلق يدها عطها ابره بنسلين للنفاخ لمده اربع ايام وإنشاء الله ناقتك بطيب والله يشفيها |
رد: ياأهل العرف وش علاج الناقة الي تضلع نبي نعرف نوع العلاج اللي اخذته الناقه اولا |
رد: ياأهل العرف وش علاج الناقة الي تضلع النفخ في المفصل ولا في الخف ؟ إذا كان في المفصل فهو فك ويطيب إن شاء الله ولا تتعبها بالمشي في الحالتين وإذا كان في الخف يمكن كسر في أحد الأناسيم أو خراج داخل الخف فعليك تفقده إن كان كسر فعلاجه الكوي وإن كان خرّاج فعلاجه إنك تفضخه وتعالجه بالبخاخ الأزرق والبنسلين . وسلامتك . |
رد: ياأهل العرف وش علاج الناقة الي تضلع نفس حالت ناقتك كانت عندي بالضبط وماتت قبل اسبوع لكن ماطولت اسبوع او اكثر شوي ونفس الاعراض الي في ناقتك وقال الدكتور الناقه صابها جفاف |
رد: ياأهل العرف وش علاج الناقة الي تضلع اقتباس:
هههههههههههههههههه .... شر البليه مايضحك ... يابن موطان لاوالله إلي ماطمنته ..... والله إني ضحكت لين قالوا إلي جنبي الرجال إنهبل .. ياراعي الناقه ... مالها شر إنشاأالله ... إنكان النفخ بالمفصل إلي فوق الخف ... فهذا فص له كريم عند البيطري مثل الفكس ...وحده بوحده وكان في ناقتي وطابة بعد ثلاث ايام تقريبا .. وهذي صورة يد الناقه .. http://im17.gulfup.com/2011-10-14/1318586402921.jpg |
رد: ياأهل العرف وش علاج الناقة الي تضلع تسلم أخوي مطلق بن عشوي طمنتني والله ابن موطان فضخ قلبي بناقته الي ماتت على العموم مشكورين يالنشاما على المعلومات الطيبه. |
رد: ياأهل العرف وش علاج الناقة الي تضلع اخوي / فواز المطيري الي في ناقتك يسمونها (رهصه) واذا زادت تسمى (الضبه)... والعلاج كيه بمسمار كبير او مخيط من فوق البرجوم على العصبه ... او ضربه بخفه مع غرزه في الخف من فوق وخلها تمشى في الارض الحفى او الصلب .... لإنها حصلت مع عشراء عندنا قبل 10 اشهر والحمد طيبه ولا بها خلاف .. كلها بس يومين فقط .. وتقبلوا مشاركتي البسيطه ودمتم ... |
| الساعة الآن 05 : 02 PM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |