|
نبي الراي الصحيح مع برهانه.... السلام عليكم ورحمة الله وبركاته امـــــا بعد.......عيد الله عليكم مبــــــــاركـــ جميعا ,,, وتقبل الله طاعتكم من لب الموضوع هو المشاركه والاستطلاع والمقارنه من كل وجهة نظر الآخر((والموضــــــوع)) هو: ماهو الانسب لعلف الابل 1_ البرسيم والذرا والرودس(الحشايش) 2_الشعير فقط ومن الاكثر سمنه (تردم شحم) هل رقم 1,ولا 2 وشكرا للجميع...... |
رد: نبي الراي الصحيح مع برهانه.... مرحبا وكل عام ونت طيب الي ذكرت 1 يكمل 2 يعني تطعم حشايش وشعير افضل شي وتشوف الي يسرك والحشايش تكون الصباح والشعير تعشيها وهذا افضل للبدنه من واقع تجربه والله يباركلك بحلالك |
رد: نبي الراي الصحيح مع برهانه.... أجمع لها مابين الحشايش والشعير ,, عطها الصبح يتبن وعشها شعير وبرسيم كذا فعلي مع البل وأحوالها طيبة |
رد: نبي الراي الصحيح مع برهانه.... كل عام وانتم بخير . ... ياطيب الاعلاف مع الشعير .. لكن الاعلاف بدون الشعير ماتنفع ! وتضرب بالسمال وحتى لو سمنت مطيتها ياسرع ماتنقص .. ولكن الشعير شحمه غيررررر وناقة الشعير ماتنقص على سيره حتى لو هي عشراء ... ! .... لكن اجمع بين الاعلاف والشعر وابشر بما يسرك . |
رد: نبي الراي الصحيح مع برهانه.... 1+2= تردم شحم |
رد: نبي الراي الصحيح مع برهانه.... افضل يكون مع الشعير قطوع لكن اذا انا مجبر على اختيار نوع واحد فقط فسوف يكون الشعير |
رد: نبي الراي الصحيح مع برهانه.... ما فيه مثل الشعير لردم الشحم اذا نوعت معه الاعلاف الاخرى واذا تبي خيار واحد من اللي قلت عليك برقم 2 بس كثره اذا ما معاه شي ثاني |
رد: نبي الراي الصحيح مع برهانه.... وعليكم السلام ورحمة الله وبركاته عيدك سعيد وتقبل الله منا ومنكم صالح الأعمال بحسب خبرتي البسيطة والمستنبطة من تجاربي وتجارب جيراني الكل يردم شحم اذا توفر بكثرة ولكن الشعير يفوقه من ناحية سرعته في التسمين خاصة في الحشو: وذلك خلال فترة فطمه من أمه ويفوق الشعير الحشيش في اليوم الذي يكون فيه الهواء شديد وذلك لتطاير أكثر الحشيش في الهواء بدون فائدة مما يمكن الإبل من الإستفادة من الطعام . أنا من وجهة نظري أفضل أني أعودها على الحشيش(البرسيم والذرة والرودس..الخ) هو الأصل لأن سمن الحشيش أفضل للخلفات من ناحية طعم الحليب ورائحته (رودس وبرسيم) وأيضا الحشيش مايغث الابل عند تقديمه في حالة جوعها مثل الشعير الذي يغث البل في بعض الحالات ومما يغيظني أيضا ويكرهني في الشعير سوالف الإنقطاع وارتفاعه ونزوله لكن هذا ما يمانع تحطلها بعض الأحيان من وقت لا وقت الشعير لأنه مفيد للجهاز الهضمي وأيضا مما أراه أن التسمين المبالغ عن طريق الشعير والمكعب يكون أكثر عرضة للأمراض وخاصة اذا كانت الإبل ممن لا تسرح إلا ساعات قليلة في اليوم .ونصيحة أخيره للذين يحبون إكرام البل المبالغ فيه بحيث أنه الشحم يثقل على الناقة أنكم تسرحونها على الأقل كل يوم مشوار يشد عضلها لأن الوقفة تهلكها. |
رد: نبي الراي الصحيح مع برهانه.... نقع الشعير عند خشومها بدون اي شي ثاني وبتشوف اللي يسرك |
رد: نبي الراي الصحيح مع برهانه.... اررررررحبواااااااا اررررررحبوااااااااا تراحيب المطر اهلاااااااااا وسهلااااااااااا بالجميع ,,,,,, رجا ال بريك+وافي+بندر الراوي= هم اللي فاهمين السؤال صح اناقلت للكل يبدا وجة نظره يارقم 1 يارقم 2 وبالنسبه للي نصحني جزاه الله الف خير ع العلف ابد لايحاتي نعطي البل من يوم خلقنا برسيم وشعير فقط وشكرا للجميع,,,,,,, |
| الساعة الآن 42 : 12 PM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |