|
الدهنا بيفكون حماها 1 /1 ؟ السلام عليكم ورحمة الله وبركاته اسعد الله جميع اوقاتكم بكل خير وبعد / كثر الحديث في الاونه الاخير على ان الحما سوف يتم فتحه في 1 / 1 / 1433هـ في حال عدم نزول امطار الوسم على الحما وان تم نزول امطار الوسم بمشئة الله لن يفتح الا في شهر 3 او 4 والان يقال انه سوف يفتح في الموعد المحدد 1/1 سواء جا مطر او ماجا واكثر البدو تقربوا من الدهنااا ياليت اللي عنده علم يقيين يخبرنا وسلامتكم .. |
رد: الدهنا بيفكون حماها 1 /1 ؟ مرحبا ياعبدالعزيز والله مثلك نسمع واجد الوعد قريب عقب اسبوع يبان ومواريها بيفكونه الناس قربت من الحما وكلن راح يعس وين ينزل |
رد: الدهنا بيفكون حماها 1 /1 ؟ السلام عليكم ورحمة الله وبركاتة كيف حالكم جميعا ، والله يوفقنا وإياكم لما يحب ويرضى ، نسمع عن حما الدهناء وإنه يبي يفتح ب 1/1 ، لكن سؤالي من أين يبدا الحما وحدودة ودنا بلإفادة لوتكرمتم ،، والله يغيثنا وبلاد المسلمين عامة ،، |
رد: الدهنا بيفكون حماها 1 /1 ؟ الكلام كثير ولانعلم ,, ولـكن الدهناء هذه السنه مافيها شي, حتى الاشجار اللي كانت قبل متوافره شبه انقرضت ’’خصوصآ من زفلت الصمان وجنوب حتى زفلت رماح-شويه الرفيعه’’ العام الماضي يوم فتحو الحما ومشا الله صايرتن تقل غابه اما هذا العام الوضع تغير نسأل الله يجيب الحياء ويرزق عباده وبلاه في كل مكان. ودمتم بــود |
رد: الدهنا بيفكون حماها 1 /1 ؟ الافضل لا تروح حتى تأكد انها فتحت و كذالك تسلم من الزحمه على خط الصمان و كثرة الضياع. انت لو تشوف كثر الحلال في الصياهد هونت من الدهنا.نسائل الله ان يغيثنا برحمته. |
رد: الدهنا بيفكون حماها 1 /1 ؟ الله يغيثنا ويرحمنا بحلالنا |
رد: الدهنا بيفكون حماها 1 /1 ؟ 1/1 والله ياريجيل ممشاء مع الدهناء انه يفتح النفس جيته قبل اسبوعين النصي واجد ولله الحمد وانا سمعت اللي سمعته ان جاء مطر يأجل فكها 3او4شهور لكن اظن مايأجلونها والاسبوع الجاي ان شاء الله وحنا نازلين فيها :mwalat19: |
رد: الدهنا بيفكون حماها 1 /1 ؟ اللهم أغثنا ولاتجعلنا من القانطين |
| الساعة الآن 33 : 07 AM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |