|
لا احد يقول مادريت!!!. السلام عليكم ورحمة الله وبركاته مسيكم بالخير جميع يالربع اللحين وقت ولاد الابل والجميع يضرب ويتعب ويحتري سنه كامله عشان حوار يترجى الله فيه ويموت الحوار والسبب منكم انفسكم وهو عدم المعرفه او الحرص الزايد او...او....الخ...... الحل اخذوه مني وبأذن الله ما راح تحتاجون علاجات ولا شئ وهذا جايبه لكم من شايب يقول عمري ماذكرة مات عندي حوار الا عاد بأسباب اخرى ولا احد يضمن هالشئ الحياة والموت بيد الله سبحانه ابسئلكم/ هل قد سمعتوا ان حوار مات من الجوع؟ انا بجاوبكم ماقد سمعت كل الاسباب منبشم منكتم ذارق وغيرها وكلها من اسباب الحليب!!!!!. والــــــــحـــــــــــل هو:- اول ماتولد الناقه وص الراعي بعد نص ساعه من ولادته حبة مويه صغيره ام نص ريال وبعد كذا ينظف الديد ويرضعه من شق واحد ويشمل باقي ديوس الناقه يخلي له واحد من المقادم والباقي يشمله دايم بحيث انه لا عطفت يحلبه وينظفه فقط الحوار له واحد بس وبعد مايجي عمر الحوار شهر خل له المقادم الثنين فقط يرضعها والباقي نفس الوضع مشمله وينظفها لاعطفت هذا علاج الحوار فقط لاغير اتمنى اكون افدتكم ان صدقت فهو توفيق من الله عز وجل وان اخطئت فمن نفسي بالتوفيق لكم احس اجهرتكم خاصه باللون الاخير ههههههه |
رد: لا احد يقول مادريت!!!. يعطيك الف عافيه والله يبارك لك في حلالك |
رد: لا احد يقول مادريت!!!. وافي يابن عمير ونصائحك في عين الاعتبار |
رد: لا احد يقول مادريت!!!. يعطيك العافية معلومات قيمة |
رد: لا احد يقول مادريت!!!. مجهود تشكر عليه يا أبوعميررر ،، بارك الله فيك ونفع بك ،، تقبل تحياتي وشكري ،، |
رد: لا احد يقول مادريت!!!. صحيح وصدقت ولا عاد تعيد ذا الالوان الفوشيه خلها لمنتدى بنات مكه يمكن ما تعرف وش سالفة ذا المنتدى بس انشد الشيخ طلال ابو درر ويعلمك اعلومه |
رد: لا احد يقول مادريت!!!. بيض الله وجهك يا محمد |
رد: لا احد يقول مادريت!!!. الله يعطيك العافيه ويكتب لك الاجر |
رد: لا احد يقول مادريت!!!. يابن عمير بيض الله وجهك على الفائدة لكن ماوضحت قارورة الماء ام نص ريال وشهي له؟ والله ينفع بك 0 |
رد: لا احد يقول مادريت!!!. وعليكم السلام حياك الله اخوي محمد بيض الله وجهك على النصيحه بس غرشه الماء ام نص ريال وشهي له؟وضح لاهنت على الفائده ننتظر جديدك شكراً |
رد: لا احد يقول مادريت!!!. بيض الله وجهك يابن عمير علا الموضوع المهم. وانا عندي اضافة بسيطة وهي تقليل علف الخلفة او تركها تروح وحوارها لين يقوي حوارها وابعدو عنها البرسييم.تبن وما فقط. بالنسبة موية الصحة تعطي الحوار. وسلامتكم. |
رد: لا احد يقول مادريت!!!. بيض الله وجهك على هذه النصيحة كثير منا يحتاج لذلك يعطيك العافية |
رد: لا احد يقول مادريت!!!. [TABLE1="width:95%;"] | [/TABLE1]بيض الله وجهك على النصحيه يابوعمير يعطيك العافية |
رد: لا احد يقول مادريت!!!. قارورة الما يغر الحوار بها ..مشكوور ع الافادة |
رد: لا احد يقول مادريت!!!. مرحبا يابن عمير واجتهاد ونصيحة ومشكور بس حطها بين قوسين حليب الناقه اول ماتلد (مضاد حيوي ) ولا ينظف راعيها الديد الا عقب مايسمح الحوار منه ولا تطعم الناقه اسبوع الا بماء وتبن حشو بطن ون لقت شي من نبات القاع ياسلام وخلها حولك تطلق في المسير هي وحواره وانت من وراها ودونها واتمنى لاخواني التوفيق . |
| الساعة الآن 00 : 06 PM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |