|
كواليس ام ارقيبة واتفاقيات المشاركين السلام عليكم ورحمة الله وبركاتة اليوم شاهدت على قناة الاماكن مكالمة هزاع اباالروس فوجه له المذيع العتيبي سؤال عن مشترواته فاجاب السنه ذي ماشريت كلمني المهيلب وقال السنه الي راحت شرينا انا وياك بمبالغ عالية نود السنه هذي مانشتري قاله بكيقك قال توعدني قال اوعدك ؟؟ الغريب كيف ابا الروس يرضى بمركزه مايود ان يتقدم للمراكز الاوله وكيف يطاوع المهيلب :::::::::::::::::::::::::::::::::: الصفر فئة 100 كل سنه يشارك صاحب منقية وياخذ النخبه خصوصآ من ثلاث سنوات ماتلاحظون انها اتفاقية بينهم ::::::::::::::::::::::::::::::::::: اتصل المذيع العتيبي بصاحب الشعل مترك حجنه وساله عن الي يتركون المجال لزملائهم فاجاب قائلآ محدآ يدفع ملايين ويأخذ مراكز متقدمه ثم يترك المجال لغيره ويلقبه بالمنهزمين وخايفين والا كيف يدفع ملايين وينسحب وقول اترك المجال لغيري ::::::::::::::::::::::::::::::::::::: طلال بن فهيد بيع 50 من منقيته لاحد اعضاء لجان التحكيم :::::::::::::::::::::::::::::::::::: اكثر المبالغ المذكوره للمشتريات الابل في ام ارقيبة من سنتين مببالغ فيها واتفاقية بين البائع والمشتري اللي 500 الف تعلن 2 مليون ونصف |
رد: كواليس ام ارقيبة واتفاقيات المشاركين مـن يوم عرفنااا ام رقيبه والجمـيع خااابر التقييم ليس للبل بل على الشخص با ذاته اي مالك منقيه مثل سمعوى ان فلان شرء با مليين يعطونه مرطز متقدم لكي لا يهيج جمهور هذه المنقيه واقرب مثال عاام 28 زايد ابن هجرس الذيابي طلع من مزاين عتيبه كان مشتري مشتريات قويه راح لام رقيبه اخذ الاول السنه التي بعدهااا اخذ التااااسع والجميع يشوف باان المنقية اللي فوقه منقيات ضعيف وضلم اللجنه لصااحب الابل المقيمه والنواادر من الوضح اللي ما صفقــة با سبعين وسم هي منقية صنهات بن مجيهير الشيبااني وسووف نرء هذه السنه في اي مركز سووف تمنح |
رد: كواليس ام ارقيبة واتفاقيات المشاركين بصراحه الأرقام هذي ماتدخل العقل والإ حنا ماقد جانا حدا هالهوامير وسام منا بملونين أو ثلاثه وتبيع بميه وميتين وإذا غلبت الروم ثلاث ميه وبعدها تباع بملايين .. رزق مافيها شك رزق لكن الأرقام الفلكيه ماهي صحيحه |
رد: كواليس ام ارقيبة واتفاقيات المشاركين فهد بن مرسال ,, لماح فطن ما شاء الله عليه (المؤمن كيسا" فطن ) يصلح محقق اخباري لاتكون محقق ( والله ما اعرفه)!! بس انا أتفق معه مئه بالمئه كلام منطقي وعين العقل فالمشتروات في المزاين تضرب في عشره المية الف تصبح مليون والميتين الف مليونين وهكذا الا اذا استثنينا مشتروات الحكام فهي صحيحه فهم يضربون في عشره قاصدين تشجيعا للابل واهلها وترغيبا للناس على اقتنائها والحفاظ عليها لتصبح ضرب من ضروب التجاره والدليل اهل الابل المشهورين الان كلهم تجار والبدو الصحيح اهل الابل الاولين باعوا اطيب حلالهم على التجار تحياتي لك يافهد اثرت موضوع في غاية الاهميه |
رد: كواليس ام ارقيبة واتفاقيات المشاركين مساكم الله بالخير هذا الكلام صحيح صفقات نسمع بها والله العالم عنها واقول هذا بين التجار الكبار نراء كل سنة من واحد إلى ثلاثة ملاك ابل جدد في ام رقيبة وهي اظهار اسمه بين ملاك الابل وشريت من فلان وبعت على فلان ويشارك سنة سنتين ثم يبع البل كلها بعد ظهو اسمه في الاعلام وبين الناس واهل البل اللي مع البل من يوم ولادتهم لايقدرون على المشاركة مع الكبار لكن فية بدو استفادو من البيع والله رزقهم الله يسمعنى خير ويكفينا شر الكفار ناظرو ام رقيبة وما فيها من التبذير في الذبايح والاكل والله أن فية سعوديين موجودين تحت خط الفقر هو وعياله ( أذا حصل على فطوره ماحصل على عشاه) ولكن باقول الله يكفينا شر التجار اذا يبون الاجر من الله يناظرون الناس الفقراء صحيح ان مالك الابل في أي برنامج يقول البل خدمت الاولين في الغزوات ووو إلى الاخر ويموتون الرجال من دونها واليوم مالقيمتها حد من الملايين اقول صحيح لكن ذاك زمان وذا زمان ومقدرتها هل البل اللى معها في كل مكان ويعزونها مثل معزت العيال ماهو يشري ويهايط وحاط عندها الزول الراعي ولايقدر يعقل قعود ولا يعرف طبايع البل وبعد كم شهر يبيعها المعذرة على طول الكلام |
رد: كواليس ام ارقيبة واتفاقيات المشاركين حيا الله الجميع النقاش جميل وهادئ ولا مانع منه لكن ارجو عدم ذكر اسماء والتجريح والدخول في النوايا |
رد: كواليس ام ارقيبة واتفاقيات المشاركين لو تم تفعيل جمعية ملاك الابل كان ما شفت اللي صاير في الابل و التسجيل له قيمة بعدها خل ملاك الابل الجدد من رجال الاعمال يفصحون عن مشترواتهم مثال : الروسان شرى من فنجال صفقة قوية جدا العام وقال الدفع بيني وبين فنجال يعني فيه اتفاق الدفع بعدين هذا كلام على الهواء مباشرة يعني شد لي واقطع لك مع التحية |
رد: كواليس ام ارقيبة واتفاقيات المشاركين حدنا في البل عشر نياق حليب وجليب وان حصل البعير الطيب ضرب عنده اما اللي يجمعها خمسين وميه ويكد عليها من راتبه فهو خسران بكل المقاييس |
رد: كواليس ام ارقيبة واتفاقيات المشاركين اتمنى من الاخوان انهم مايوسعون في النقاش ويتطرقون لامور مالها داعي ياليت النقاش في صلب الموضوع وترك الامور الاخرى |
رد: كواليس ام ارقيبة واتفاقيات المشاركين انا اختلف مع بعض الكلام لان فيه صفقات تمت امامي منها ناقة وضحاء بـ مليونين و مئتين بشيك مصدق و بكرة صفرا بـ مليون بشيك مصدق و حوارة و ضحاء بـ مليونين بشيك مصدق و بعير بـ ثلاثة مليون |
رد: كواليس ام ارقيبة واتفاقيات المشاركين وفزاعه مجهم شراها حسن الشكره بثلاثه مليون ونصف من الفصام وحواره مجهم شراها ابن عضيبه بثلاثه مليون ووحيدان بعير مجهم لابن جهيم المري شراه الامير متعب بن عبدالعزيز بسبعه مليون وباع ابن جهيم في بناته من مليون الى مليونين وووووو الخ هذي روؤس اقلام تمثل عشره بالميه من المبيعات وصحيحه بس فيه تسعين بالميه خلف الكواليس كذب |
رد: كواليس ام ارقيبة واتفاقيات المشاركين لاهنت على الموضوع ولا تعليق |
رد: كواليس ام ارقيبة واتفاقيات المشاركين البل مثل ما تفضل أحد الاخوان ذود حليب وجليب وما زاد عنها فهو تجارة مثلها مثل غيرها من التجارات فيها الغش وفيها الحلال والحرام وفيها النكبة والخسارة وفيها التوفيق والربح اللي ما طرا على البال ويا ليت كل راعي بل يصيبه لو مرة من هالصفقات الكبار حتى يعتاش مرتاح ويخلي سالفة الحليب والجليب الله يعين ويرزق الجميع من واسع فضله والله يغنينا يالحلال عن الحرام |
رد: كواليس ام ارقيبة واتفاقيات المشاركين لانعمم على جميع ملاك الابل نقول الاغلب او الاكثر فيه بيعات واضح انها صادقه وهي معقوله 50 ناقه من منقية طلال بن فهيد حوالي20مليون 60 ناقه من منقية ابناء مبلش البقمي ب حوالي 10 مليون وش رايكم في هذي الصفقات معقوله ولا؟ :::::::::::::::::::::::::::::::::::::::: * الوضح دائمآ اسعارها غير منطقية |
رد: كواليس ام ارقيبة واتفاقيات المشاركين نعم اخوي فهد كلامك صحييييييح الناقه حدها مدها ان زادت اربعميه خمسمية الف هذا اذا واردها تاااجر اربع سنين اراقب سمل التجار المشاركين في ام رقيبه يشارك في الميه وبعد المزاين يسمل من الميه المشاركه من ثلاثين الى اربعين ناقه ويبيعها جمله بمبلغ من ستين الى مية الف للمتن الواحد ولدي الاثباتات |
| الساعة الآن 28 : 06 AM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |