|
الناقه ولدت وسط الأبل وحصل الحاصل ؟؟ السلام عليكم ورحمة الله وبركاته عندي ناقه بكر ولدت وسط الأبل وجفلت الأبل من بنتها وهجت البكر معها وردها السوداني في الشبك ودخل بنتها عليها والناقه نفرت بنتها وعيت ترومها .. حطيتها في شبك مسكر مع جميع الإتجاهات 5×5 وكإجراء أولي عقلت الناقه ورسنتها حاولت أرضع بنتها ولكن الناقه عيت تعطف على بنتها وألحين نرضع بنتها من خلفه ثانيه الناقه مره تكرف بنتها ومرار تنفرها ولاتلد يمها أبدا لاكن ماهي بتهبدها أو تظرها لكن عيت ترومها (( الأسئله )) متى تستحق الناقه الضيار بمعنى متى أغسل يدي من الناقه وأبدا بالضيار ؟؟ إذا ضيرت الناقه وسكرت عنها من الجهتين هل فعلا مافك عنها لين تعطف على بنتها أو على الأقل تبدي إهتمام لبنتها يعني تعاين فيها وتهتم منها ؟؟ أو هو مجرد ساعه أو ساعتين وأفك عنها ؟؟ وحظك نصيبك !! متى أحكم على الحوار بأنه يعاني من مرض الذراق ؟؟ لان بنتها اليوم ذرقت أعزكم الله يمكن أربع مرات مع العلم إنها مشبعها حليب ومعطيها مضاد 3سم عن طريق الفم .. أشكر لكم جهودكم وسعيكم لفعل الخير .. أخوكم أبو فهد |
رد: الناقه ولدت وسط الأبل وحصل الحاصل ؟؟ مرحبا اخوي مطلق اولا سؤلك شبك بعيد عن شبك البل وحطها في هي وبنتها ثانيا حاول تخوف الناقه وتفزعها بااصوات غريبه ثالثا اذا سلاها موجود الطم ظهر الحواره منه رابعا خفف الحليب عن الحواره ولا تشبعها |
رد: الناقه ولدت وسط الأبل وحصل الحاصل ؟؟ حطها بشبك بعيد عن البل وتعال بالليل وجفلها ولاتشوفك مايجي الصبح الا هي ترزم عليه بأذن الله انا مجربها مع بكر عندنا |
رد: الناقه ولدت وسط الأبل وحصل الحاصل ؟؟ اقتباس:
الشبك إلي هي فيه قريب عند الأبل ولكن ماتشوف ألا الله وبنتها فقط مسكر من جميع الجهات .. سلاها موجود ولكن أحطه على بنتها حتى ولو له ثلاث ايام عاادي ؟؟ ومن ناحية الحليب كم يكفيها بالرضاعه سبعه ملي في اليوم ؟؟ ولاهنت يالتميمي ... |
رد: الناقه ولدت وسط الأبل وحصل الحاصل ؟؟ اقتباس:
اهم شي حاول انها تجفل منك ام بلبس فروه او بأصوات غريبه وبعدين الرسن هذا ماله داعي يصعب الموضوع بنسبه للحليب عطها شي خفيف يعني علبة صحه ام نص مابين وقت ووقت لازم تجوع الحواره وترد على أمها |
رد: الناقه ولدت وسط الأبل وحصل الحاصل ؟؟ إذا ضيرت الناقه وسكرت عنها من الجهتين لا تفك عنها لين تعطف على بنتها و تبدي ترزم علي بنتها اذا اخذتها منها يعني تعاين فيها وتهتم منها وتتبعها وسلامتك طال عمرك |
رد: الناقه ولدت وسط الأبل وحصل الحاصل ؟؟ العلوم يامطلق اليوم وشهي اذا ركبت او ينظر في وضع الضيار وكل تاخير يصعب العمليه |
رد: الناقه ولدت وسط الأبل وحصل الحاصل ؟؟ أخوي مطلق / الله يبارك لك فيما رزقك ربي ،، الناقة في الوقت الحالي يتوجب عليك أنك تبعدهاا عن الابل زي ما ذكروا لك الأخوان ،، وحاول أنك تسكر عليهاا ولا تخليهاا تشوف أحد غير بنتهاا ،، وحاول أنك تجيب لك كلـب أعزكم الله جميعااُ ينبح عليهاا بإستمرار حتى يخوفهاا وأفضل وقت هو اليـل ،، وجرب أبرة التخدير انا مجربهاا ونفعت معي بس الناقة الي خدرتهاا كانت والدة الصبح ومات حوارهاا وعلى طول ما تأخرت باليل بديت بها العملية ونجحت معي ،، والتأخير يصعب الأمر مما يجعلك أنك تضير الضيار العادي الي يتعبك ويتعب الناقة ،، حاول تزودناا بمعلومات أول بأول عن الحواره والله يرزقك منها ،، |
رد: الناقه ولدت وسط الأبل وحصل الحاصل ؟؟ العلوم سلامتكم ..... سكرت عليها في شبك مثل ماذكرتلكم ولاتشوف ألا السما وبنتها وهي جنب الأبل ...وأمس افضل منها قبله واليوم أفضل من أمس من ناحية الهداوه على بنتها لاتنفرها بالحيل وهي مابعد رامتها .. ولابعد عطفت عليها ولاكن نغصبها على بنتها وهاديه ماتقول شي وبنتها تلقى حليب ولكنا نعطيها حليب خلفة ثانيه نخاف أن حليب أمها مايكفيها ... وسلامتكم ياأخوان وأشكر لكم دعواتكم وأهتمامكم ... وأنا خليت موضوع الضيار أخر الحلول |
رد: الناقه ولدت وسط الأبل وحصل الحاصل ؟؟ حط من عبس الحوار على حيا الحواره وعلى الوروك وخلها بشبك مضمونه ا لنتيجه بعد الله |
رد: الناقه ولدت وسط الأبل وحصل الحاصل ؟؟ اقتباس:
عشت ياساجر وكلامك واضح ولاهنت من بكره يصير إلي قلت |
رد: الناقه ولدت وسط الأبل وحصل الحاصل ؟؟ اخوي دامها بشبك مسكر هي وبنتها اختصر الموضوع بأبره مخدر تعطيها وتكون الناقه ماكله شي بسيط واذا بدا مفعول المخدر خل الحواره ترضع امها بتعطف عليها وترومها انشالله ((مجربه)) |
رد: الناقه ولدت وسط الأبل وحصل الحاصل ؟؟ وعلم الإنسان مالم يعلم أبشركم ضيرنا الناقه اليوم الصباح وبشمناها من الجهتين من الساعه تسع للساعه 12 الظهر لين رامتها غصب وخليتها المغرب ممسيه مع بنتها وعلومه طيبه اشكر جميع من تفاعل معي والسلام ختام |
رد: الناقه ولدت وسط الأبل وحصل الحاصل ؟؟ السلام عليكم جبت لي سوداني يضير عندي ناقه وسكر عليها من الجهتين المهم خلا خشمها مسكر بلفه ويوم جاء اليوم الثاني وفكيت اللفه عن خشمها حصلته منعوج بقووه لابارك الله في العامل السؤال يقول وش افضل طريقه للتضيير؟ |
رد: الناقه ولدت وسط الأبل وحصل الحاصل ؟؟ الضيار شر لا بد منه أحياناً |
| الساعة الآن 48 : 05 PM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |