|
عرض الفرديات لابل لا تستحق العرض ياخوان وش رايكم في مسمى عرض الفرديات على قنوات مشهورة لابل حتى ابل جمل ماتنفع قصيدة ومنشد وعرض والله الذي لا اله الا هو انه احزني عرضها والمشكله ملتمين عليها الكبير والصغير ومسيره مادري مالهم شوير والا منصح مادري يحسبون الاعلام بوصل حلالهم اقيام خياليه والله بعضهن عاديه في الزين وحظ القنوات خسائر العرض اغلا من قيمتها انتوا معي في هذا الامر او انا مخطي ؟؟؟؟ |
رد: عرض الفرديات لابل لا تستحق العرض والله انك جبت اللي بخاطري والظاهر تبي تصير هذي ظاهره |
رد: عرض الفرديات لابل لا تستحق العرض كلام صحيح ميه ميه والرجال ماتدبك عليها المخاييل |
رد: عرض الفرديات لابل لا تستحق العرض كلام صحيح |
رد: عرض الفرديات لابل لا تستحق العرض القنوات ياطويل العمر مدامك تدفع قروش على إستعداد لعرض سلعتك حتى لوكانت .....واللي في جيبه قرش يعناله من يدور القرش!! |
رد: عرض الفرديات لابل لا تستحق العرض أرحب يا أبوعدوة ،، ياليتهاا على الفرديـــــــــــــــــاااااات والله أن طلعت منقية في أحدى القنوات وشيلة وكلمات شاعر له وزن ثقيل بمجال القصيد وفي الاخير :mwalat10:!! منقيـــــــــــــــــــــــة عادية جداً فيها القصب وفيهاا البداوة :mwalat31:ولكن وش تقول ؟؟؟ خلهم وزي ما قلت حظ القنوات يا أبوعدوة ،، من يشاركني نفتح لنا قناة !!:mwalat29: |
رد: عرض الفرديات لابل لا تستحق العرض كلام صحيح |
رد: عرض الفرديات لابل لا تستحق العرض كلامك والله صحيح وفيه كثير ماودي اذكرها خلها على الله والله ماهي كفو لاهنت يامبدع |
رد: عرض الفرديات لابل لا تستحق العرض كلامك مع الاسف صحيح 100% ولكن خل الدرعا ترعى القنوات مبسوطه على هبال اهل بعض الحلال في عرض ابلهم ربما عرض الابل للتصريف او عرض الابل للشهرة والفخر والبذخ الزائد المشكلة حتى في القنوات المحسوبة والمتخصصه في شؤون الابل يضهر ذلك شكرا لك محمد على الطرح الرائع |
رد: عرض الفرديات لابل لا تستحق العرض كلام 100% سليم تحياتي |
رد: عرض الفرديات لابل لا تستحق العرض كلامك صحيح يابو عدوة الناس صارت تعرف الزين والمقنوي والوسط (الموجه) والمنيحه وصار أغلبهم يقيم بعد هذي تصلح جمل ولا فردي ماهو خافيها شي صحيح كلاً غالي حلاله عنده ولكن الزين غالي والأزين أغلى و أم رقيبة هي المعيار ماهي هالقنوات واللي بالقوه يبي حلاله زين يدخله في الجمل ولا الفردي و يعرف راي أهل النظر والله يكون بعون لجنة التحكيم للأسف أن حمى التسويق والدعاية والبحث عن الماده فقط وصلت للأبل وصار الأعلام المرئي للأبل بدال ماهو وسيلة للعرض والتحدي والمنافسه الشريفة وسيلة للتصريف والبيع واكبر دليل على كلامي ماهو كل من عرض شارك في أم رقيبة ليه ؟ ولا تستغرب انه تتطور هذي الظاهره وتشوف السنه الجايه عرض وشاعر للمنايح بالقنوات الفضائيه (حلاوات اللبن) لكن صحيح لا قالوا اذا وضع الشي في مكانه الغير صحيح زاده قبحاً . |
رد: عرض الفرديات لابل لا تستحق العرض والله هذا الذي في خاطري وجبتها والظاهر ان الرجال الي يعرض سقيم وعندة مادة وممسك ويسمع كلام الناس ان فرديتة او منقيتة من افضل الحلال |
رد: عرض الفرديات لابل لا تستحق العرض ناس تبا العيشة في حلالها ولاعندها من يدلها على الصواب مايدري انة خاسر اكثرة من قيمتها ربي وربهم الله |
رد: عرض الفرديات لابل لا تستحق العرض بعضهم يبغي يطلع في التلفزيون ماهمه شكل المطيه اللي هو عارض حتى لو يدفع عشرات الالاف يبغيها قاله الواحد ودك اذا عرض اما يعرض بفرديه شبك ولامنقيه نخبه وفوق ذلك الكلمات والشله تليق بمقام العرض النخبوي واذا ماعنده بالمختصر يسترررررريح لاهنت يابن عدوه على طرحك الجميل عزالله جبتها ع الجرح |
رد: عرض الفرديات لابل لا تستحق العرض موضه جديده عسى الله يعين |
| الساعة الآن 18 : 09 AM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |