|
وش الدبره مع الحيل؟ السلام عليكم بيض الله وجيهكم يالربع على نصايحكم وارشاداتكم لاهل البل وجعله ان شاءالله في موازين اعمالكم انا عندي ناقتين حيل وطيبات بالحيل اهد البعير فيهن ويصد منهن ولا ادري وش السبب فقمت ووديتهن لبعير ثاني ونفس الشي يصد منهن... والنياق طيبات ولاودي يروح علي الوقت ويحيلن السنه .. مع العلم اني اظربتهن ابرة يسره ويسرن وبركن قدام البعير مير البعير يتكرفها ثم يصد منها... وش الحل في رايكم؟؟ |
رد: وش الدبره مع الحيل؟ ارحب يازيد الابل تحتاج تنظيف ولانظفتها اصبر عليها اسبوع بالضبط ولبسهن جنايب وفك البعير عليها والله يرزقك منها يارب تقبل مروري |
رد: وش الدبره مع الحيل؟ ارحب يا زايد رش الناقتين بطيب على ظهرها وسنامها وفك البعير عليها مجربه |
رد: وش الدبره مع الحيل؟ الله يرحببك ياالوهبي ... ومرحباابك ياماجد البل انا منظفها ومقطع منها ولابه فايده ان شاءالله اني بلبسها الجنايب وبرشها بطيب والله يسوق لنا النصيب وياكم والمسلمين الله يجزااكم خير |
رد: وش الدبره مع الحيل؟ مرحبا بك البعارين اللي عرضت عليهن هرشه او بعارين هداد والحيل ما ينفع الا قعود دور لك ثني ملقح وضرب عليه وعسى الله يرزقك منها |
رد: وش الدبره مع الحيل؟ للامانه الطيب ياثر على الفحل ويدمن عليه بعدين ... وياثر على حاسه الشم عنده على حسب علمي لو زاد عليه الطيب في الابل ياللي يدوسها .. ولا يقبل بعدها غير الابل المطيبه بس ... ويمكن تتطور الحاله ويطالب بعطور فرنسيه .... من يدري .... زمول هالوقت تتشرط كثير ... |
رد: وش الدبره مع الحيل؟ البكار هل تحتاج الى تنظيف في حالة عدم اللقاح .... رايكم أخواني شكري مقدما" |
رد: وش الدبره مع الحيل؟ يرفع مع التحيه |
رد: وش الدبره مع الحيل؟ عبدالرحمن التركي اكيد البكار تحتاج تنظيف وخصوصا ابوغطيه ينتشر في البكار |
رد: وش الدبره مع الحيل؟ مشكور اخوي منصور الله لا يهينك |
رد: وش الدبره مع الحيل؟ اقتباس:
غير صحيح الدخول على البكار الإدخال على الرباع وطالع فقط |
| الساعة الآن 36 : 12 AM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |