|
قل الحليب في الخلفه السلام عليكم ورحمة الله وبركاته عندي خلفه يا اخوان من بعد ولادها باسبوعين شانت حالتها وشان وجهها .. وحليبها يا دوب يسد جوع ولدها جاني الاحد الاخوان وغرها ثوم .. وبعده بكم يوم قامت الناقه تحلب وكثر حليبها حتى ان ولدها تضرر من كثر الحليب ثم بعد اسوعين رجعت لنفس الوضع عطيتها حبوب الدود عدة مرات .. ولافاد عطيتها ابرة الدود .. ولافاد وعطيتها بعدها ابرة الهيام ولافاد لازال وجهها شين وعينها مهي حيه وحليبها قليل وش الشور يا اهل الخبره ؟؟ باقي شي ما جربناه ؟ وهل المالطيه تقلل الحليب ؟ وهل هناك امراض اخرى تقلل الحليب ؟ افكر اجيب للحوار مرضعه لكن قبلها قلت استشيركم |
رد: قل الحليب في الخلفه حياك هلا اكرمها من البرسيم وبس يكثر الحليب بالنسبه للمرض عطها ابرت جرب عند البيطري وبس |
رد: قل الحليب في الخلفه تفكيرك سليم بالحوار جب له مرضعة ولا تقصر عليه في الحليب والأم يسمح أمرها إن شاء الله تعالى فيه شراب دود جالون صغير غطاه أحمر عطها 40 ملم في الفم مباشرة بدون إضافة ماء على جوع ، و لازم تكررها 3 مرات كل عشرة أيام مرة |
رد: قل الحليب في الخلفه هلا اخوي ممدوح الله يعينك ويشفي لك حلالك هل جربت ابرة الهيام الخليجي تراها جيده جدا وقد جربتها للفحول وجدتها نافعها جدا وتاثيرها فعال في خلال ثلاثة ايام تعطيك النتيجه اذا كان استخدمة كل العلاجات وما نفع مع ناقتك ربما يكون في بطنها شيء من النفايات التي هي اكياس من النايلوا وهذا يضعف المطيه حتى يقضي عليها وقد شاهدته في ناقه كانت عندي وفقك الله |
رد: قل الحليب في الخلفه الله العالم ان ناقتك مابها الا العافية .. قل الحليب من المربعانية وانا أخوووووووك |
رد: قل الحليب في الخلفه اقتباس:
والله يجزاكم خير يا اخوان جربت ابرة الدود وابرة الهيام الفرنسيه وحبوب الدود المركزه الوكاد خلنا ندور للحوار مرضعه والباقي يسهله الله |
رد: قل الحليب في الخلفه وش نوع إبرة الهيام ياممدوح اللي عطيتها الخلفه والله العالم انه مواري بداية هيام وان طعت شوري كثف مضادات الدود بانتظام الخلطات الشعبيه مثل الرشاد والثوم الخ. وشف إبرة الهيام الفرنسيه والهيام بداياته دود ويهمل ويبدء مرض الهيام وبعده ابو دبه او مايسمى ابو المناحر وهذا هي النهايه والهيام يتسلط في الخلفات ويقل حليبها ويشين حالها كما ذكرت في الاعلى ركز على المضادات الطبيعيه من الخلطات الامنه |
رد: قل الحليب في الخلفه اقتباس:
عطيتها الابره الفرنسيه وبكررها لها بعد يومين ان شاء الله تعالى وودي اكرر الثوم ولكن هل كثر الثوم ممكن يضرها او يضر حوارها ؟ وش الوصفه الشعبيه اللي تنصح بها وطريقة استخدامها والله يكتب اجرك |
رد: قل الحليب في الخلفه الله يشفيها ويبارك لك فيها وفي باقي حلالك وأتفق مع أخوي محمد التميمي |
رد: قل الحليب في الخلفه وهل المالطيه تقلل الحليب ؟ وهل هناك امراض اخرى تقلل الحليب ؟ 1.. ناقتك ان شاء الله مــاعندها مــالطيه لان لـــو عندها مــالطيه مــاولدت كانت طشت ولدها قبل الولاده بشهر او شهرين 2..نــاقتك عندها التهــاب دمــــوي بسيط والله واعـــــلم وبأمكانك تسوي تحليل للدم نــســـال الله لنا ولكم العافيه |
رد: قل الحليب في الخلفه اسمع وانا اخوك كرر الثوم كل اسبوع مره لمدة شهر عطها الكيس كامل وبعدها خفف الكميه شوي الثوم مجرب وزيادة الكمية مامنها ضرر |
رد: قل الحليب في الخلفه على مآعتقد إن الابره الفرنسيه اللي هي cymelarsan سيميلارسآن تكرر الحقن بعد 28 يوم والأعرآض اللي أنت ذكرتهآ أعرآض الهيآم "تريبآنوزومآ" والله أعلم |
رد: قل الحليب في الخلفه اتفق مع الأخ/ عبدالرحمن بن هادي ناقتك أقرب شي انها مصابة بتسمم دموي بسيط .. خذ منها عينة دم واعرضه على البيطري .. وخله يعلمك النتيجة والعلاج . |
رد: قل الحليب في الخلفه لاتكرر الابره بعد يومين:mwalat9: اقل شئ 21 يوم والافضل 28 يوم |
| الساعة الآن 53 : 02 PM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |