|
وش رايكم بضراب الخلفه ؟؟ أخواني عندي خلفه لها شهر ونص وودي اضربها بأخر الموسم يعني بعد ماتكمل الحواره شهرين واكثر ابهد الفحل عليها وش ايكم ؟؟ هل تكسر بنتها والا ماعليها ؟؟ علما ان الخلفه حالها طيب وحليبها لبنتها ماحلبها الا بالسنه حسنه .. ولكم تقديري واحترامي .. |
رد: وش رايكم بضراب الخلفه ؟؟ هههههههههه ترى توي انتبه للموضوع (وش رايكم بضراب الخلفه) كتبت الاستشاره من كبيوتر الدوام وعجل بالحيل :) |
رد: وش رايكم بضراب الخلفه ؟؟ مرحبا يامشاري .. انا عندي خلفات وناوي اكسبهـن فالاسابيع المقبلـه .. اللي بنتها طيبه وألا قعودها مانيب مضربهاا ألاّ أني ساحبً الحواره من تحتها بضيـار .. واللي بنتها عاديه ولها اكثر من شهريـن بضربهاا وبنتها معهاا ولايضرهاا بشي ,, وبعض البل لاعشرت واخذت حول الشهر .. طردت ولدها اللي يتبعهاا وهذا يحصل فأبلً معي . .. وكسبهاا واطلب التوفيق من علام الغيوب |
رد: وش رايكم بضراب الخلفه ؟؟ اقتباس:
ماقصر أخوي مشعل بيض الله وجهه وإياك عز الله كلامه وافي وهذا اللي أصلحه في إبلي تحياتي |
رد: وش رايكم بضراب الخلفه ؟؟ طيب يااخوان . هل كل خلفة يضربها الفحل تعشر؟ |
رد: وش رايكم بضراب الخلفه ؟؟ اهم شي تكون ميسر لا تضربها الا ميسر وطالبها البعير لا تعسرها والله الله بالبرسيم اكرمها لين تيسر وعسى الله يرزقك في حلالك |
رد: وش رايكم بضراب الخلفه ؟؟ اقتباس:
بالطبـع لا ياسلمـان ... لكن الأخ ناقته حالها طيّب ومكرمها وحليبها قليل اكيد ميسر 100% .. والله اعلم . ودائماً الخلفه اللي حالها طيّب ولها شهور من ولادهاا تيسر وتلقح بإذن الله من اول ضراب . .. |
رد: وش رايكم بضراب الخلفه ؟؟ اررحب يامشاري الاخوان ماقصروا لكن شوري عليك اذا تحتها بكرة طيبة لاتكسبها الا اذا اعترض لك بعير فاخررر ومسمي والحوار عمره من ثلاث شهور وفوق فتبارك بالله وكسبها اخيرا الله يدلك على اللي فيه خيررررر |
رد: وش رايكم بضراب الخلفه ؟؟ ياخوي مشاري انا اولت العام كسبت خمس والعام ثنتين وذا العام مالي نيه طلع الانتاج اقل من المعتاد حتى الي كان يشري مني القعدان اخذ اثنين وابطن عنده ما راحن ديره والله اعلم |
رد: وش رايكم بضراب الخلفه ؟؟ مرحبا اخوي نعم تكسر الحواره حتى ولو ما غرزت امها مثل ماقالو الاخوان ان كان الحواره طيبه لاتكسبها |
رد: وش رايكم بضراب الخلفه ؟؟ اذا كانت حيرانك طيبة وتأمل منه خير لا تضرب أمهاتها الا اذا كبرن .. اما عكس ذلك .. أضربها البعير واللي عقد روس الحبال يحلها |
رد: وش رايكم بضراب الخلفه ؟؟ وين اخوي مشاري انا كان معها قعود فخل الفحل يضربها اليوم قبل بكره ون كان معها بكره لا خلها اول الموسم القادم هذ وجهة نظري القاصره |
رد: وش رايكم بضراب الخلفه ؟؟ وين الي يعطينا العلم |
رد: وش رايكم بضراب الخلفه ؟؟ أضربها البعير واللي عقد روس الحبال يحلها قالها طلال وخذها مني تخصص كسبها لا طلبت الفحل والله ضربت على ثلاثه وعشرين يوم وربك رزقها وعشرت لكن لا تعدت الاربعين وحالها طيب توكل على الله ولاتكسر بنتها علف واكرمها خصوصا البرسيم |
رد: وش رايكم بضراب الخلفه ؟؟ عطونا تجاربكم نستفيد |
| الساعة الآن 59 : 06 AM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |