|
المشورة ياربع وش حالكم ياربع عندي استفسار وابي مشورتكم فية عن تجارة القعدان والقصب معي حول ثلاثين الف وهلي مرحبة وتراا رايكم مهم عندي دمتم بخير |
رد: المشورة ياربع يا مرحباا يا زيد والله يوفقك يا الذيب في تجارتك با النسبه للقعداان و سوقهااا مختلف سوقها طال عمرك فترة الصيف ام الوقت الحاالي فهو راكد والمكسب قليل يا الله يجيك راس مالك هذا با النسبه للي يشتري من الجلبه في السووق ثم يعرضها مره ثانيه بعض الاحيان يجيه 100 الى 500 مكسب وبعض الاحيان ينشب في نحره مايروح ابدد اما اذا طلعة براااء في البر وتشتري جمله مثل خلناا نقول شريت قعداان وسط من 3000 تبيعهااا في السووق با 3500 اذا السووق حامي فترة الصيف لانه وقت عرووس و مناسباات اما القعود الراهي يوصل 4000 خص الاوضح ترااء القعداان يحبون من لون للون ويخفون من الاشعل و الاحمر لان بعض الاخواان يحسبها مصدره من السوداان وغيرهاا فا نصيحتي لك اصبر لين يجي الصيف اطلع للبر ودور لك بدوي توه عازل المفاريد وشترهاااا لان الصيف سووق القصب مااشي والطلب زااايد وبقوه واكثر شريطية البل وقت الصيف يتجهون للحشوااان هذي نصيحتي لك ولااخوان انشاء الله مايقصرون |
رد: المشورة ياربع يا مرحباا يا زيد والله يوفقك يا الذيب في تجارتك با النسبه للقعداان و سوقهااا مختلف سوقها طال عمرك فترة الصيف ام الوقت الحاالي فهو راكد والمكسب قليل يا الله يجيك راس مالك هذا با النسبه للي يشتري من الجلبه في السووق ثم يعرضها مره ثانيه بعض الاحيان يجيه 100 الى 500 مكسب وبعض الاحيان ينشب في نحره مايروح ابدد اما اذا طلعة براااء في البر وتشتري جمله مثل خلناا نقول شريت قعداان وسط من 3000 تبيعهااا في السووق با 3500 اذا السووق حامي فترة الصيف لانه وقت عرووس و مناسباات اما القعود الراهي يوصل 4000 خص الاوضح ترااء القعداان يحبون من لون للون ويخفون من الاشعل و الاحمر لان بعض الاخواان يحسبها مصدره من السوداان وغيرهاا فا نصيحتي لك اصبر لين يجي الصيف اطلع للبر ودور لك بدوي توه عازل المفاريد وشترهاااا لان الصيف سووق القصب مااشي والطلب زااايد وبقوه واكثر شريطية البل وقت الصيف يتجهون للحشوااان هذي نصيحتي لك ولااخوان انشاء الله مايقصرون مشكور ومقصرت انتضر باقي الاخوان |
رد: المشورة ياربع الوقت الحالي مافيها المكسب اللي عليه الكلام السوق ميت عسى الله يوفققك |
رد: المشورة ياربع ضم دراهمك يازيـد .. وانكان ماتعرف أمور الشريطيه تاقع فالفخ ! اسواق الابل الآن انتشر فيها الكذب والتدليس والنجش والغش بشكل كبير جداً والعياذ بالله ... وسوق القصب طاااايح هالايام لذلك لاتشري .. دور لك شي غير القعدان .. وسلامتك |
رد: المشورة ياربع ان كان تبي تدخل فيها خلك ملازم للدخله 3 اشهور ولا شهرين لين تعرف تميز الحاشي الطيب من الردي واتعرف اتقيم الطيب والردي والحشو لها ناسها يعرفون ويقدرون الحاشي من شكله ويعرفون وزنه من نظره من كثر الخبره اما سوق الحشو فاخالف الاخوان اعلاه واقول خسارته قليل ومربحه قليل من الدخله اما كن البر والجمله فابشر بالدراهم والخير نصيحتي لك اولويات الحشو المجهم ثم الاصفر ثم الاوضح فقط اشتر القعود وانحش عن البكره الا اذا هي ناهيه او حقه وفوق عس الغارب والضهر ان كانه عريض مليان لحم والسنام واقف فاشتر واجزل ولا انت خسران كل ما كان الجنب وسيع كل ما كان له رغبه اقوى لا تشتري قبل تلازم الدخله من شهرين الى ثلاث اشهر وتعرف الشريطي من الجلاب لا دخلت السوق لا تطمع لا خارج بسعر تقييمك الاولي قبل دخول السوق فبع وربي ارزقني وارزق مني لا عرفوك الشريطيه تبيع سريع ما عاد سامو منك الا وهم صاملين ورغبو سلعتك وكونت علاقه معهم سريعه والقوي محترم في السوق دايما سوق القصب مواسم يبرد ويتحرك ولا يبطي بارد حاول ما تشري الا الطيب ولو غالي سريع شراه وسريع بيعه اما الضعيف فاسمه ضعيف هم وغم وتعب واخرتها المكسب حول بعضها اتمنى اني افدتك وافدت من يطلع على موضوعك وتذكر ان بداية كبار شريطية ابل المزاين من دخلة الحشو ولا ودي اذكر اسماء عشان ما يزعل احد (فكما قيل قد اوتيته كابر عن كابر ))" |
رد: المشورة ياربع كفيت ووفيت ورايك ومعرفك مكسب يابوفالح^^^ عسى الله يبارك لك في حلالك وعيالك بختصار يازيد لاتتعدى هالحية الغانمة لي تجربة معه رابحه في هذا المجال واكبر دليل شف رده الي مالي الصفحه بالشوراللي ناتج عن خبرة وقوة نظره. |
رد: المشورة ياربع اقتباس:
مع هذآ الشور مآشآءالله عليك يآخآلد مآقصرت كفيت ووفيت تحيآتي وتقديري للجميع |
رد: المشورة ياربع السلام عليكم ورحمة الله اشهد بالله انك يابو فالح عطيته نصيحة تنشرا والنقطه الاخيرة هذي انا اتساءل ليش الناس تنكر شي معلوم ولا ينقص الرجال لكن كابر عن كابر هي مربط الفرس تقبلو مروري وجزيتم خيرا |
رد: المشورة ياربع عطاك وعطنا أبو فالح العلم الوكاد |
رد: المشورة ياربع الله ييسر أمرك ويرزقك |
رد: المشورة ياربع الله لا يهنكم جمعيا ويطول اعماركم مشكورين على نصايح وعذروني على التاخير زيد السبيعي |
| الساعة الآن 40 : 04 AM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |