|
الناقه تشاول مشاول معشر !! عندي ناقه بوهتني اضربها البعير وقبل يضربها لاتشاول ولا شي ويوم كملت تسع ايام قامت تشاول مع ركز الراس والناقه شرود من الانسان كله اذا سقناها على البعير تروح له بس بحرص وتحاول انها تهرب واذا صكينا عليها رغت واذا تركناها وابتعدنا عنها وجاها البعير تشاول ولا عليها منه كل هالامور بعد ان ادخلت عليها اللي قط حصل معه هالامر يفيدنا الله يجزاه خير وهالحين والله ماندري هي معشر ولا لا واللي يقول معشش ولا داخل الحافظه شي / ابداً الناقه مدخلن عليها ومنظفها والحافظه سليمه يعني لو ماهي معشر وراها تشاول كثرة الكلام عشان الواحد يعرف كل شي ويجاوب بدون مايسئل لاهنتم |
رد: الناقه تشاول مشاول معشر !! ناقتك معشر يافايز .. اللي يثبت عشارها البعير ماهو قربك وبعدك عنها .. اذا جاها البعير قامت تشاول وترفع راسها ولا تنحاش فهي معشر والبعير أدرى بوضعها |
رد: الناقه تشاول مشاول معشر !! الله يسمع منك ياطلال بس وش سبب الرغيان !! |
رد: الناقه تشاول مشاول معشر !! عندي ناقه نفس الوضع الي عندك وبعد عشره شهور تأكـــدت بان الناقه مهيب لقحه الله يعوض علينا امهــاتها خلفات هزمـــــان |
رد: الناقه تشاول مشاول معشر !! طيب يابو هادي ادخلت عليها انت قبل العشر شهور ولا لا |
رد: الناقه تشاول مشاول معشر !! اررحب يافايز الله العالم إن الناقة على حروة عشار ولاتحرص عليها ذاالحين اعرضها بعد اسبوعين لين يكمل قروها وهذا الامر يحصل كثير اذا تم عرض الناقه وهي ماكملت قروها مع العلم ان بعض البل تشاول من ثمانية ايام اماسبب انها ترغي يمكن انكم يوم صكيتو عليها ذلة من الطرح والادخال ماعاد لهاقلب
|
رد: الناقه تشاول مشاول معشر !! اقتباس:
تنحاش من البعير والا تشاول ولا علاها منه !! |
رد: الناقه تشاول مشاول معشر !! البقا ياحزام الله يجزاك خير ولا يحرمك الاجر ..... طلال وانا اخوك يعني اذا سقنا الناقه بنفسنا يجيها بلا وتبي تنحاش منا ومن البعير واذا دخلناها الشبك مع البعير تشاول وفيها خوف واذا زدنا عليها نبي البعير يدحمها رغت واذا البعير دخلناه الشبك مع البل مغر البل والبعير وحنا بعيد عن الشبك... في اللحظه هذي ماعليه ولا تحرك من مكانها تشاول وتركز راسها ولا ترغي ولا شي |
رد: الناقه تشاول مشاول معشر !! هنا موقف البعير طال عمرك ، وشهو ..؟ هل يبغى الناقة والا لا ..؟ |
رد: الناقه تشاول مشاول معشر !! الناقة اللي ترغي مهيب لقحة هذي تلقح ولكن اصبر عليها حتى 14 يوم وان مازالت ترغي فخل البيطري ينظفها وعطها هرمون تيسير وعطها مثبت مع الاضراب عساك تلحق الموسم |
رد: الناقه تشاول مشاول معشر !! اقتباس:
علماً اذا شمها البعير سقفها يدخل ويقشط بالحيل |
رد: الناقه تشاول مشاول معشر !! اقتباس:
|
رد: الناقه تشاول مشاول معشر !! إنت دخلت عالناقه ونظفت رحمها والناقه ماكانت تشول وأضربها البعير ثم بعد 9 أيام صارت تشاول والبعير يتكرفها ولا يضربها وهي توزر وترفع رأسها ولاتهرب ولاترغي لصارت مع البل والبعير معها ويش عاد تبي ذي معشر وترى البعير يعرف وهو طبيبها ولاعاد تعرضها عالبعير إلا لين تكمل إسبوعين ولو بعد 18 يوم يكون أحسن عشان تتأكد الناقه شرورود على قولك وترغي من الخوف تحياتي لك |
رد: الناقه تشاول مشاول معشر !! لاهنت يابو حماد اجل نبي نصبر عليها ست شهور ونشوف وتكله على الرحمن |
رد: الناقه تشاول مشاول معشر !! البعير أبخص يافايز ،، والله يرزقك ولا يروح إنتظارك بلااااااااش وتصبحنا من حليبها خلفه |
| الساعة الآن 38 : 03 PM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |