خايف على الحواره يالربع ,,, ابي حل
 

السلام عليكم ,

اخواني عندي بكره شقحا مزيونه ووراها مستقبل , والانظار عليها ,, ولااعلم ماذا حصل لها

اللحواره مالها شهر ونص وكانت طيبه ,
وطال عمركم الان ,لها حول الاسبوع , بس مرخيه رقبتها بشكل الوسط ماهو مره ولاهو على طبيعتها واحس انها تشتكي من راسها

والبكره ماتداني الناس اللي يقربون لها وتنحاااش يالله نردها ,, وتلقاها فحمانه ولها زبد وكانها تغرغر وفي حلقها شى ناشب يومها ترغي طبعا لحظه طرحتها
والبكره ترضع امها ولاعندها خلاف وهي بهذه الحاله

وواحد من العمال يقول انها عضتها ناقه مع راسها ,, وطرحت البكره وفتشت في راسها ورقبتها ماشفت مكان للعض ولا شى

وقلت يمكن الطير اللي يصيب الابل هل هو يصيب الحيران حديئه الولاده واذا كان الطير هل الصفات اللي ذكرتها لكم تطابق مرض الطير اللي يصير في الابل

مع ان سبق صارت معنا في ابل كبار وماتاخذ يومين ثلاثه الا وتموت والطير اللي اعرفه انها ترفع راسها


افيدوووني

رد: خايف على الحواره يالربع ,,, ابي حل
 

رد: خايف على الحواره يالربع ,,, ابي حل
 

اذا البلا في راسها يمكن ناشب في حلقها عود من القشع او البرسيم .. او انها داخل اذنها قراد او بلا ..
ويمكن البلا في صدرها او بطنها .. تاكد اول انها تشكي من راسها .. والله يشفيها ان شاءلله

رد: خايف على الحواره يالربع ,,, ابي حل
 

العين حق

اذا البكره مزيونه على كلامك خذ لها عزايم وماء مقري فيه واسقها منه ورشها

والله يشفيها ويرزقك منها ..

رد: خايف على الحواره يالربع ,,, ابي حل
 

البكرة مروعة من ادمي
الطير نقص فيتامينات
العين حق
اذا زبده بزود ممكن مقروصه
نصيحتي لك عطها ثوم في لقام او في خبز

رد: خايف على الحواره يالربع ,,, ابي حل
 

الله يشفيها هل الحواره ظامر اذاهي ظامر ترى في حلقها كيس

رد: خايف على الحواره يالربع ,,, ابي حل
 

ياعبدالعزيز ابا المناحر وشو

واخواني ماقصرتو ,, والله مدري الله يعين لكن حتى لو ناشب في حلقها شى ليه تجفل من الناس وشوي وتكسر اذا شاف ادمي قرب منها

ومن ناحيه ضامر فهي ضامر ,, وكان اول فيها ذراق وراح وبعدها صابها البلا هذا

رد: خايف على الحواره يالربع ,,, ابي حل
 

اذا البكر ه يزبد فمها اكيد المشكله بالعه شي فتش فمه وتحت لسانها واضربها بيدك علي محل الذكاه ضربه قو يه اذا حسيت انها بتطرش اكرمك الله اكيد المشكله بحلقها وانتبه لايكون باذانيها شي



اذا طير عطها كوربرال 25 وريد وا25 بفمها والله يطعمك منها

رد: خايف على الحواره يالربع ,,, ابي حل
 

السلام عليكم يامتعب اسف على الاطاله برك الحواره ونزل راسها للارض وجيبلك علاق الثياب وفكه ودخله بحلقها الين ياصل تقريبا الى منحرها وشف هل يدقر اوتحس بشي في حلقها مجرب وشكرا

رد: خايف على الحواره يالربع ,,, ابي حل
 

يامتعب احرص من الحرارة

وسبحها وعطها خافض حرارة

والله يباركلك فيها

رد: خايف على الحواره يالربع ,,, ابي حل
 

اخوي متعب اعط الحواره مضاد حيوي تراماسين واعطها ابره فيتامين B1 500
وفتش حلقها لايكون فيه كيس او قماش

رد: خايف على الحواره يالربع ,,, ابي حل
 

العين حق

هذي الحاله قد حصلت معي
العلاج
اعزم الرياجيل الي اعجبتهم وخل عاملك بعد العزيمه يغسل الفناجيل الي تقهوو منها
وياخذ الغسيل حق الفناجيل ويشرب البكرة منه ويرش على راسها

رد: خايف على الحواره يالربع ,,, ابي حل
 

بما ان البكرة تنحاش منكم ولاتداني حد يقربها فالاحتمال الكبر ان وحده من الابل معورتها في راسها وليس بالضرورة يكون فيه اثر واضح للضربة

وهذا قد يسبب لها التهاب في الراس

انصح باعطاها مضاد حيوي مناسب مثل البنسلين ومضاد التهاب وخافض للالم مثل Dexaphynalarthrite