|
ثورة صغيره والله يستر من الكبيره رغم عدم تاييدنا للتطرف ولكن المال والحلال عديل الروح كما يقال فكان لهم مبرر ثار قبائل الدواسر في الوادي على شركات الاعلاف وقطعو اشبوك مشاريع نادك وغيره من الشركات للسنه الثالثه على التوالي رغم تصدي الشرطه وامن الشركات لهم وذلك لاقدام هذه الشركات بعد الحصاد على حرق الطايح من الاعلاف بعد التلبين وعدم تمكين اهل الماشيه من الباديه للدخول وتعليف حلالهم من طايح الارض اللي يغنيهم عن التعليف لشهرين رغم موجة الغلاء التي ازعجت مواطنين المملكه وشعبها وتفرج الحكومه ووقوفها وقوف المتفرج وعدم الاكتراث لما وصلت له اسعار الاعلاف مساحة شركة نادك فقط 100 كيلو في 80 كيلو مساحة اخذت وقللت مناطق الرعي وقضت عليها |
رد: ثورة صغيره والله يستر من الكبيره حرس مقدين فيهم ماخلو حدبة ولاضلع ولاطعس الى ماشبك |
رد: ثورة صغيره والله يستر من الكبيره ماقول يابو فالح الا الله يلوم اللي يلومهم والمثل يقول وانا اخوك "مادون الحلوق الااليدين" الناس على هذا الغلا يالله ترحمنا مايلامون لو افعلوا كذا واكثر بس لاتصير معهم يابو فالح هههههههه |
رد: ثورة صغيره والله يستر من الكبيره وأنا أقول وينك السبوع إلي فات ؟؟؟؟؟ أثرك شغال بالزراديه ههههههه نسمع قصص عن الحسد ولكن مثل ذي ماقد سمعت وعلى قول القايل .. الله يرزق ديرت الفسد ولا يرزق ديرت الحسد |
رد: ثورة صغيره والله يستر من الكبيره الحاجة أم الشبوك شكراً لك يا ابو فالح على الخبر ونخشى أن يستمر الغلا ومعه يستمر التعدي على ممتلكات الغير مما يسبب مشاكل لاتحمد عقباها والمفترض وزارة الزراعة تجبر المزارعين بإتاحة الرعي بعد الحصاد وتوقف خدماتهم من العمال الزراعين والشهادات الزراعية على مصادقة رئيس المركز أو المحافظ لهم بتطبيق قرار إجبارهم بالسماح بالرعي ( كم هو معمول به في فيزة الراعي حيث طلب مشهد من رئيس المركز بعدد الحلال ) ولو طبق هذا الأمر سيؤدي لزول الأعلاف وخاصة التبن أعزكم الله ومعه تنزل بقية الأعلاف وأتمنى أيضاً دعم المحاصيل الشتوية مثل الشعير والقمح ورفع سعر الكيلو في الصوامع إلى 2 ريال كأقل تقدير لأن في ذلك دعم للمزارعين بدل من دعم الدول الأوربية المنتجة للشعير وفي ذلك أيضاً تقليل من توجه المزارعين لزراعة البرسيم الي يستهلك كماية كبيرة من الماء على مدار 3 سنوات بينما القمح والشعير فترته 4 شهور ملخص الكلام دعم الشعير والقمح فيه فائدة للبدو والمزارعين ولجميع شرائح المجتمع وللبيئة بعدم التصحر وللحفاظ على المياه الجوفية وحتى سعر الحلال يعود لوضعه الطبيعي وتقبلوا أجمل تحية |
رد: ثورة صغيره والله يستر من الكبيره ارحب يا بو فالح اللي سمعته وهو دخول الابل في المزارع بعد الحصاد ومطبق عند ابناء القبائل ولازم يتطبق في الشركات مثل نادك وغيرها والله لايهينك على الموضوع شكرا |
رد: ثورة صغيره والله يستر من الكبيره المفروض تفتح الشركات ابوابها بعد الحصد وهذا اقل ماتقدمه لأهل المنطقه اللي هي مستفيده منها وهذا حاصل في كل دول العالم كل شركه لها مصنع في منطقه لازم تقدم خدمات لاهل المنطقه واحنا ماعندنا الا سرق ونهب ولا حسيب ولا رقيب كسروا شبوكها واهجموا عليها واللي مايجي بالطيب يجي بالقوه ياخطلان الايدي وعساكم على القوه |
رد: ثورة صغيره والله يستر من الكبيره اهل الكويت مايعطونا مسلم البراك سلف عشان يغسل شراع الحراميه في البلد |
رد: ثورة صغيره والله يستر من الكبيره كفو والله والمشكله مهي بالمزارع وبس المشكله الشبووك اللي في كل محل على قولت ابن دواس شبووك مافيها لامحاور ولازراعه ولا شي مافيها الا العشب يحمونه وياجرون عشب ربي على الناس المفروض ان النشاما اللي شروى هل الوادي يستخدمون الزراديات ويخلون ذيدانهم تربع وصدقني الحكومه لما تصير مشكله راح ترسل التعديات وتزيل كل الشبوك اللي مالها صكووك. |
رد: ثورة صغيره والله يستر من الكبيره الله يعين على هذه الشبوك التي شبكت على ضلعان واراضي لا تصلح للزراعة لا تجد فيها لا محاور رش ولا ابار ماء شبوك حرمتنا من مناطق الرعي ويكثرها في وادي العجمان والصمان مابين جرارة وقرية العليا حتى الحايلين ما عينوا درب الا من مسافات بعيدة وسبة هذه الشبوك حتى الدهناء ما سلمت كل سنة حمى ولا فيه فايدة ما غير تضييق على اهل الحلال ووين يرحون ان توجهوا الى المزارع طرد وهواش وان راحو لخليان طرد وهواش الله يكون في العون وحسبنا الله ونعم الوكيل |
رد: ثورة صغيره والله يستر من الكبيره ـ ـ ـ المشكلة هذه الأراضي تقدمها الحكومة مجاناً لهذه الشركات ـ ـ ـ |
رد: ثورة صغيره والله يستر من الكبيره اقتباس:
ههههههههههههههههه ماعندنا الا هو ومهوب ملحق على شي بعد وبتاخذونه :mwalat17: .. |
رد: ثورة صغيره والله يستر من الكبيره كــفــوووو كــفــوووو كــفــوووو امور واجد والله ماتجي الا بالقوه |
رد: ثورة صغيره والله يستر من الكبيره حلوا حلوا ي اهل الوادي جعل من لامكم للنار يااخوان يا اعضاء المنتدى شي غير معقول صراحة !! يعني لانتب راحمين ولا انتب مخلين رحمة الله تنزل لاحول ولا قوة الا بالله بشع التجار على القوة ي اهل الافلاج |
رد: ثورة صغيره والله يستر من الكبيره مع احترامي وتقديري للجميع وتعاطفي مع الباديه اينما كانوا لكن الحق يقال لا يجوز لاحد ان يظلم من ظلمه يوما ما والتعدي على املاك الغير لايجوز شرعا وفي المقابل الشركات يجب عليها تقديم ماتستطيع لخدمة المواطن في اماكن استثماراتها لو كانت الامور هكذا لاصبحت لحلّت الفوضىى وكل اهل ديره يعتدون على الشركات اللي تعمل عندهم وبالتالي تتوقف التنميه لا اعتقد ان احد يتمنى ذلك |
| الساعة الآن 19 : 11 PM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |