الفرق بين الطرق واللين
 

اعضاء المنتدى الراقي
السلام عليكم ورحمة الله وبركاته

اطلعت على موضوع الطرق من قبل اخونا ابو شرف وبصراحه احترت افرق بين الطرق واللين والحرد

عندي بكره حقه نشو مشيتها من يوم عرضها الفحل ما هي عاجبتني يدها اليسرى كنها مايله على داخل من مفصل الركبه واحترت هل هو طرق والا لين والا حرد

لا تبخلون علينا من نصايحكم ومشكورين

رد: الفرق بين الطرق واللين
 

الطرق واللين واحد وهو مرض عصبي يصيب اعصاب الخف وعلاجه كي على كرمة اليد
انا الحرده فهي شئ مخلف وهو يصيب ركبة اليد ولا له علاج
وسلامتك

رد: الفرق بين الطرق واللين
 

مرحبا اخوي عابد

الطرق شد في عصبة اليدين يصيب المفرود الين الجذع بأول زمانه وينتج من اثر عقال لصغار السن وهو شد في عصب اليد النازل يسبب اختلاف في ثنية اليد اثناء المشي والدرهام


الحردة تجي في مفصل اليدين يسبب لوحة في ممشى الحاشي وايضا من العصب ويصعب علاجه ايضا نادر منها اللي يسلم بعد الكي

اللين او ( الزند) او (الفدعه) يجي في يدين الحاشي او المفرود السبب قلة الممشى او زود الشحم والا من حفية الديره وموقعه في اسفل يدين الحاشي فوق الخف او ما يسمونه البرجوم وهي علاجه كي وحجر في شبك وبعد الكي اذا انتفخت اعرف انه بيطيب والعلم عند الله

تقبل مروري وعذرا على الاطاله

رد: الفرق بين الطرق واللين
 

اعضاء الممنتدى السلام عليكم ورحمة الله وبركاته

المقطع التالي صورته للبكرة وارجو من الاعضاء اعطاء تعليقاتهم على المقطع

http://youtu.be/EKnGFA4mVKY


تحياتي للجميع

رد: الفرق بين الطرق واللين
 

صبحكم الله بالخير الاخوة الاعضاء


اخوي ابو جاسر كل الشكر والتقدير على المرور

اخوي ابو عطالله عز الله انك كفيت ووفيت وما هي غريبه على مثلك وشرواك ....

نزلت مقطع فديو للحالة وودي اشوف تعليقك على المقطع

نفس هالمقطع وريته طبيب بدوي وقال انه طرق وانشاء الله ما يظرها

تحياتي للجميع

رد: الفرق بين الطرق واللين
 

السلام عليكم

اخي علاج حوارك هو الكي بين مسامير الخف

وتنجح الكيه وهذا يسمى طرق يعني اديها متطرقه وعلاجها مثل ما قلت لك وتقدر انت بنفسك تكويه لأنه امر بسيط جدااا

الله يوفقك ويبارك في حلالك


اخوك / محمد القحطاني

رد: الفرق بين الطرق واللين
 

السلام عليكم ورحمة الله وبركاته.ومساك الله بالخير هذي رخاوه وعليك بالحليب وحبوب النحاس وبتشوفها في تحسن بأذن الله

رد: الفرق بين الطرق واللين
 

مرحبا اخوي عابد

هذي حردة في مفصل اليد وعلاجه صعب لانه في الاعصاب عباره عن لين في العصب من ناحية الطب الشعبي اتوقع معالجته صعب لكن يمكن عند الدكتور البيطري لها علاج

ولا هي طرقه هذا لين عصب والناس تعارف على انه حرده

والله لا يريك مكروه وعسا الله يووفقك ويرزقك للعلم الطيب

تقبل مروري

رد: الفرق بين الطرق واللين
 

هذا لين خفيف وعادي والبكره سالمه باذن الله ولا عليها خلاف لا تكويها وان عطيتها نحاس افضل عندنا بكار مثلها والحين اللي خلفه واللي لقحه وسالمات بامر الله .

رد: الفرق بين الطرق واللين