|
هل يحصل العشار بدون أت ترفع الناقه ذيلها !! عندي بكره قبل اشهر قلنا عشرّت وصارت ترفع راسهاوذيلها وتوقف للقعود وبعده بشهر ماترفع لا راس ولا ذيل .. لكن لاخضنا هداوتها وكبر بطنها الآن فهل تعشّر بدون رفع ذيل وهل ذلك مستحيل ؟؟؟ أفيدونا جزاكم الله الف خير |
رد: هل يحصل العشار بدون أت ترفع الناقه ذيلها !! هذي مفيخ والعلم عند الله |
رد: هل يحصل العشار بدون أت ترفع الناقه ذيلها !! يمكن مكسر الناقه ويكمن تكون على عشاره لكن شف البكار الى معها تطردها ولا لا اذا البكار تطردها ترها مكسر |
رد: هل يحصل العشار بدون أت ترفع الناقه ذيلها !! مشكور ابو جاسر وابن عدوان لكني اشوف علامات اللقاح والله اعلم صحيح انا محتااااااااااااااار |
رد: هل يحصل العشار بدون أت ترفع الناقه ذيلها !! البكره مضيعه عشارها والله اعلم وكبر البطن مهوب معناه عشار بالعكس ضمور البطن هو من علامات العشار في الشهر الاول حدها على البعير بشكل مباشر لحالها وشف وش يصير تقبل مروري |
رد: هل يحصل العشار بدون أت ترفع الناقه ذيلها !! مايعرف عشارها الا البعير والبكره نادر جدا ماتفيخ واذا البعير شم عبسها وصد عنها فبكرتك معشر باذن الله |
رد: هل يحصل العشار بدون أت ترفع الناقه ذيلها !! [QUOTE=محمد الوهبي التميمي;613833]البكره مضيعه عشارها والله اعلم وكبر البطن مهوب معناه عشار بالعكس ضمور البطن هو من علامات العشار في الشهر الاول حدها على البعير بشكل مباشر لحالها وشف وش يصير تقبل مروري اخوي محمد هي الان بالشهر الرايع او زياده على الرابع وحديناها على القعود ولا تتشاول ولكن الهداوه وكبر البطن شوي الوهبي السؤال .... ( هل مر عليكم بكره او ناقه عشرت ولقحت بدون ترفع ذيلها ) ؟؟؟؟ شاكرا ومقدرا مرورك الكريم |
رد: هل يحصل العشار بدون أت ترفع الناقه ذيلها !! اقتباس:
|
رد: هل يحصل العشار بدون أت ترفع الناقه ذيلها !! مازيد على الاخوان البعير هو دكتور الابل حدها على الفحل وتبين لك في بعض البل ماتشاول ولاهيب مشوال ولا يطلع عشارها الا الفحل وياليت يكون فحل قصيرك بس فيه علامات مثل اختفاء محالب الناقة ونشوف ضرتها يخليك تتأكد من عشارها |
رد: هل يحصل العشار بدون أت ترفع الناقه ذيلها !! هلا اخوي عبدالرحمن نعم فيه بعض البل ماتشاول وهي معشر وهذي فالغالب تسمى مخاويه البعير اللي مع البل لأكن لاحديتها على بعير جارك على سبيل المثال لابد انها تشاول |
رد: هل يحصل العشار بدون أت ترفع الناقه ذيلها !! محمد التميمي كلامة 100% |
رد: هل يحصل العشار بدون أت ترفع الناقه ذيلها !! ف البدايه مرحبا بالجميع ما ازيد على كلام اخوي محمد الوهبي فما قالة عين العقل الناقه يمكن ماتشاول وهي معشر لان العبير موالفتة من مدة وهي معه لكن حدها لبعير جديد عليها بيجيك العلم الاكيد ولكن هناك حالات نادرة جدا ان الابل تعشر او تلقح بدون شول انا اعرف رجال من الشيبان كان يذكر ان عندهم ناقة حالت سنين معدودة وحد البعير لاتحد البعير اخر شي الناقة ولدت ولكنها حالة نادرة جدا بالتوفيق والاقرب ان الناقه مفيخه هذا وناسف للاطالة عليكم |
رد: هل يحصل العشار بدون أت ترفع الناقه ذيلها !! السسلام عليكم .. مساكم الله بالخير أنا العام عندي ناقه اضربها البعير وكل مارديناها عليه ماتشاول وكل فترة تزيد علامات لقاحها .. وهي لا يمكن تشاول والحين ابشركم معها بكره وهي من ضربها البعير ماشاولت ابد لكن طريقة الاخوان توضح لك اكثر ردها على آي فحل حولك .. وتبي تبين لك إن شاء الله |
رد: هل يحصل العشار بدون أت ترفع الناقه ذيلها !! الف شكر لكل من شارك يالموضوع الله يوفقكم بالدنيا والآخره |
رد: هل يحصل العشار بدون أت ترفع الناقه ذيلها !! الناقة ماعشرت ولايمديك تضرب الناقة خلها في اول الضراب وما تدري وش الخيرة وعلامات العشار ترفع ذنبها وراسها وبعضها ترفع راسها بس وهن الفطير |
| الساعة الآن 56 : 05 PM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |