منتـديـات مــزايـن - ابي بعير فاخر وإنتاجه افخر.

منتـديـات مــزايـن (http://www.mzayan.com/vb/index.php)

- الأسئلة والإستشارات (http://www.mzayan.com/vb/forumdisplay.php?f=91)

- - ابي بعير فاخر وإنتاجه افخر. (http://www.mzayan.com/vb/showthread.php?t=47036)

ابي بعير فاخر وإنتاجه افخر.

إخواني اعضاء وزوار الصرح الشامخ

من استشارك دخل ذمتك.

عندي ناقه شقحاء كفؤ وبطنها كفؤ وذهب.

ابي لها بعير فاخر وإنتاجه فاخر. وأبي اهل الفحول طيبين. ما يهمني بعد المسافة المهم البعير الفاخر.

اتمنى من الجميع المشاركة وإعطائي رأيه وشوره. كلن يجيب عرفه.

او أنكم تنصحوني باني اضرب بعيري وأبوه شرهان وامه من أطيب ابل الشيخ فهيد بن فنيسان السبيعي
انتج عندنا من ابل الشمال العاديه بكار أطيب من أمهاتها بمراحل.

رأيكم اثابكم الله.

رد: ابي بعير فاخر وإنتاجه افخر.

84 شخص قرو الموضوع ولا واحد منهم راعي ناقه ولا يعرف بعير ...

ماهي معقوله ابد ... نبي راي ياجماعة الخير .....

رد: ابي بعير فاخر وإنتاجه افخر.

يابندر السلام عليكم ورحمة الله وبركاته ..

ابشر بالبعير ابوه رماحيين من ابل ذوي جزاء الروسان وامه هيافه بنت هياف بعير مبلش

وانا يعلم الله ماخشيت على هالموضوع الا الان لكن البعير فادر هالايام والله يحييك الشتاء الجاي وابشر بكل علمن غانم والبعير جاله قعود فاخر ومات وجاله بكره حين طاحت من بطن امها سيمت بخمسين ولا بعناها .. والله يطرح البركه لنا ولك ..

رد: ابي بعير فاخر وإنتاجه افخر.

الاخوان يابندر ماردو

لان مااهوب وقت ضراب وش يدلونك عليه

انتضر وقت الهداد ونزل الموضوع من جديد

والله يعيينك على متابعت الردود

رد: ابي بعير فاخر وإنتاجه افخر.

اقتباس:

المشاركة الأصلية كتبت بواسطة جزيّان السليس (المشاركة 615516)

بيض الله وجهك وجمل الله حالك وجزاك الله خير على هالرد الطيب الذي ان دل فيدل على طيبك ومعدنك الاصيل ..
ويدل انك راعي ناقه ومتفهم ان راعي الحلال مهبول .. ويبحث عن الافضل من الان قبل الهداد باربع اشهر ..

ويكفيني فخر واعتزاز ان البعير لك وان امه من المراح المعروف والمشهور بنت هياف بعير ملبش المرزوقي الله يرحمه ..

الف شكر وليت كل الناس تفهمها وهي طايره مثلك ...