منتـديـات مــزايـن - ياخوواني اهل الخبرة ابي مواصفات القعدان الطيبة حقت ذبح

منتـديـات مــزايـن (http://www.mzayan.com/vb/index.php)

- الأسئلة والإستشارات (http://www.mzayan.com/vb/forumdisplay.php?f=91)

- - ياخوواني اهل الخبرة ابي مواصفات القعدان الطيبة حقت ذبح (http://www.mzayan.com/vb/showthread.php?t=4792)

مساعد العتيبي

15 / 08 / 2007 18 : 01 AM

ياخوواني اهل الخبرة ابي مواصفات القعدان الطيبة حقت ذبح

السلام عليكم ورحمة الله

انا بديت ابيع واشتري بالقعدان حقت الذبح وجراير عروس

وابي مواصفات القعدان الطيبة ووش اعمارها وكم سعرها المعقول

تكفووون

جاسم الجربوعي

15 / 08 / 2007 36 : 01 AM

اقتباس:

المشاركة الأصلية كتبت بواسطة مساعد العتيبي

يامرحبا ومسهلا يامساعد

الله يربحك ويرزق اما اذا بغيت حق الذباح فهي الحيران

والحوار : منذ الولاده حتى يظهر عليه اسهيل من السنه الجايه

وبعدها المفاريد

والمفرود هو الي تم سنه

وسعارها تختلف من 2500 الى 3000ريال

مساعد العتيبي

15 / 08 / 2007 47 : 01 AM

ماقصرت

والله يجزاك خير

بندر مطر البقمى

15 / 08 / 2007 57 : 08 AM

بسم الله الرحمن الرحيم
مرحبا بالعضو الجديد بين اخوانك
حسب طلبك احاول التوضيح
والمعذره في التقصير
الاخ مساعد
مافيه اسعار ثابته
يحدد السعر بعض هاذي النقاط
1- الوقت من السنه أي لها موسم
2- حال القعود ضعيف سمين
3- سلامه القعود من الكسور والامراض الواضحه
4- المنطقه او المدينه التي فيها السوق
5- حسب اتفاق بعض الشريطيه مع بعضهم والعياذ بالله
6- حسب نوع القعود محلي او سوداني او اعماني
7- حسب العرض والطلب اذا كان السوق مليان السعر تحت والعكس صحيح
هذا عرفي وحسب درايتي والاعضاء ماراح يقصرون
اخوك بندر البقمي ...............ابو مطر

حاتم العماري

10 / 09 / 2007 06 : 10 AM

عليك بالمجهم اللي اذنه فاهقه وقصيره
وبالمغتر اللي راسه صغير وماله سبال
وبالاصفر الاركز اللي طاقيته اكبر من راسه
----------------------------------------------------------------------------
أمزح معك والله يوفقك وليس بعد كلام اخوي بندر كلام

الساعة الآن 15 : 03 AM بتوقيت مسقط

Ads Management Version 3.0.1 by Saeed Al-Atwi

جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى

This Forum used Arshfny Mod by islam servant