|
استفسار يالربع عن هالمرض سلام عليكم عندي خلفه يالربع ما عادت تاكل الا الحشايش (تبن وبرسيم ) والشعير تاكل منه شي بسيط وتصد عنه فتشت فمها لقيت هدب وثم قصيته لي حروة اسبوع ولا زالت على ماهي عليه ماغير التبن والبرسيم وحالها ناشف وضامر نشدت اهل العرف قالوا السلاق للعلم الناقه مافيها (سهال ) |
رد: استفسار يالربع عن هالمرض هل عليها علامات الهيام !؟ |
رد: استفسار يالربع عن هالمرض ارحب يا فلاح ويعل حلالكم بألف خير الأعراض تتشابه فالايل والتشخيص لابد من وصف كامل للحاله اكلها وشهيتها فالبرسيم كيف؟ الدمن وش شكله ولابركة تجضع على جنوبها؟ الحالات تتشابه اخوي وياليت توافينا بأكثر وصف لناقتك والسلاق ماله علاقه في هالحاله عطها من أدوية مكافحة الدود كوقايه وحال العشاير تجي ضعيفه من حواره انتظرك اخوي فلاح ولي عوده للموضوع |
رد: استفسار يالربع عن هالمرض اشكركم اخواني على التفاعل انا من اول ما شفت فيها الضمور اعطيتها ابرة الهيام وحبوب الدود ولما شفت انه ما تغير شي بحالها فتشت فمها ولقيت الهدب وقصيته وللعلم الناقه مافيها اسهال ودمنها عادي واذا بركة ما تجضع مريت على بيطري وقال لازم تاخذ اسبوع من قص الهدب لانه لازال معها وجع من القص عطيتها فاتح شهيه وان شاء الله راح ارجع لكم بالنتايج بس حبيت اعرف ولفائدة المبتدئين امثالي كم سؤال : ١- ماهي اعراض مرض الهيام واهم ما يتميز به بالنظر ؟ ٢- ماهي اعراض السلاق وهل وجود اسهال بالمطيه شرط اساسي ؟ ٣- هل الهيام والسلاق معدي ؟. جعلكم الله ذخر وجعلها في ميزان اعمالكم |
رد: استفسار يالربع عن هالمرض هلا يا فلاح مدامك قطعت عنها الهدب خلها على البرسيم اسبوع وغير الشعير بوافي او شوار جرب وان شاء الله ما عليها خلاف وبالنسبة لإستفساراتك عن اعراض الهيام انتفاخ في نحر الناقه والمنطقة الواقعه قبل الديد والعيون تدمع ومرض السلاق نعم وجود الذراق اكرمك الله شرط اساسي وكلاً من الهيام والسلاق معدي وبأمكانك زيارة مكتبة العيادة البيطريه والأستفاده من الاسئلة والمواضيع السابقة |
رد: استفسار يالربع عن هالمرض أخوى فلاح اناقه فيها احمام بشط جما اناقه ابموس اين يطلع دم وفراكه بملح ويتسلم انشاء الله وجعله ماتشوف شر الاهي والا اهلها |
رد: استفسار يالربع عن هالمرض الله يشفي ناقتك بس عندي سؤال لو تكرمتو وشو الهدب والحمام ووش اعراضها وعلاجها وسلامتكم |
رد: استفسار يالربع عن هالمرض * التهاب الهدب اذا ماعولج ينزل لبطن المطية ثم تصاب بالذراق ويسمى في تلك المرحلة بالسلاق ويستمر معها عدة اشهر الى ان يقتلها. *يمكن الله وفقك وعالجت الالتهاب لكنه بطبيعة الحال يتروك جروحا بالفم تعيقها من الاكل لفترة حتى تبراوعليك الاتنظار في حدود الاسبوع. * ابرة الهيام عادة تخص امراض الدم ولاعلاقة لهال بشكوى ناقتك لكنها لاتضرها وفيها فوائد. * اذا لم تتحسن فلابد ان يراها البيطري. |
| الساعة الآن 15 : 10 PM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |