نطرح اليكم هذه الورقه القديمه لتفعيل المشاركه
ارجو ان تنال استحسانكم :

يا ظني الله لا يجازيك بالخير= صاحبك جرب واسمع العلم منه
مالك ومال محسبين المخاسير= والفضل لله مالحد فيه منّه
والله وكبر يالليال المعاسير= وكم خافي سود الليال اكشفنّه
ولولا المواقف والزمن والمقادير= ما قيل كن فلان وفلان كنّه
ولا احد عرف قيمة رجال مناعير= اهل الاصايل كاظمات الاعنّه
اهل السيوف اللي تدك الطوابير= وشلف كما برق الحيا برقهنه
امثال بن هادي وابو زيد والزير= وشالح وتركي في سنين مضنّه
ولولا الهدد وش يفرق الطير والطير= والريش واحد والهدد فرقهنّه
والحر يسكن فوق روس الشناتير= والبوم في جذع الشجر جرّ ونه
لكن يا ظني ترا وقتنا غير= وقت تغير والوفا ضيعنّه

ابن هدلان جزل والله يعطيك العافيه
قصيدة رائعه الله يوفقك
امتعتنا بها وخليتنا نعيد ونزيد نقراء بها
تحياتي لك ياغلاهم بانتظار جديدك
اخوك فايز

المشاركة الأصلية كتبت بواسطة ناصر بن عطالله ولولا الهدد وش يفرق الطير والطير>>>>>>>>>>>>والريـش واحـد والهـدد فرقهنّـه صــــــــح لسانك طـــال عمرك.... جزل... جزل... لاهنت طـــــال عمرك......

مرورك شرف يا ناصر

وهذا من طيبك

تقبل تحياتي

المشاركة الأصلية كتبت بواسطة خالد السبيعي ولولا الهدد وش يفرق الطير والطير .............. والريـش واحـد والهـدد فرقهنّـه ========================= صح لسانك يا ابن هدلان جزلة من رأس جزل لاهنت وبيض الله وجهك

مرحبا يا خالد

وهذا من طيبك لاعدمتك

وافي من وافين