|
الناقه عظام وجلد السلام عليكم ورحمه الله وبركاته يااخوان عندي خلفه يوم شفت فيها ظعف قبل شهرين فطمت ولدها وبعدها ظعفت ازيد وعطيتها حق الدود و مانفع وبعد اسبوع اعطيتها ابره هيام وهالحين شانت ولا تقدر تمشي يالله تمشي وضعف بالحيل واكلها قليل وتبرك وهالحين عزلتها وارخيت عليها البرسيم صارلي يومين الي مرت عليه هالحاله ياليت يفيدنا http://mzayan.com/up/uploads/13444767531.jpg |
رد: الناقه عظام وجلد يأخ احمد صبحك الله بالخير أنا عندي ناقة العام نفس ناقتك خلفه تحتها بكره جبت لها ادكتور وعطاها أبره هيام وفيتامينات ومضاد المهم ماسلمت وشار علي سوداني راعي البل بالبيض وتم يعطيها بيض وثوم بعد معد التمر القام وسلمت بعد شهر والحمد لله على كل حال |
رد: الناقه عظام وجلد الله يجزاك خير ودامها نفعت معه ناقتك الله لايهينك عطنا الوصف الدقيق لكميات البيض وكم مره في اليوم وكيفية عمل اللقام وشاكرلك |
رد: الناقه عظام وجلد البيض ٨ حبات في غرشه صحه واسقها بالماء بعده @ وقت المغرب كل يوم لمده أسبوعين وعقبها خفف يوم ورى يوم لمده شهر والخلطه القام تمر وثوم مهروس وطحين ملي يديك اثنتين وتقسمها على كيفك وتعطيها من القام ست كل يوم عقب العشاء @ بتشوفها عقب ذا بترجع طبيعي وتعطن مستأنسة بس اصبر على العلاج وتشوف مايسرك ان شاء الله |
رد: الناقه عظام وجلد الأخوان ماقصروا لكن هاذي الطريقه بعد مجربه تروح للمحمصه وتاخذ 2 كيلو حبه رشاد و2 كيلو حبه السوداء و2 كيلو حلبه وخل راعي المحل يخلطها سواء وكل يوم عطها كاسين بلاستك حق الماء تخلطها مع اشوية شوار لمدة اسبوعين وان شاء الله تشوف الفرق بإذن الله |
رد: الناقه عظام وجلد الله يجزاكم خير ياخ محمد هل تطحن الخلطه وتضاف لعلفها كم الكميه البلاستيك مافهمت عليك وشاكرلك |
رد: الناقه عظام وجلد لا ماتطحن الكميه كاسين بلاستك حق الماء او اي كأس تخلط مع اشوي شوار مقدار طاسه الحليب مقاس 25 |
رد: الناقه عظام وجلد مرحبا يابو محمد اخر الشر انشاء الله ناقتك هي تجتر فتش حلقها وجماها والهدب..؟ |
رد: الناقه عظام وجلد الناقه علا وضعها ولا فتشتها وبديت بلعلاجات اليوم بلاضافه للخلطه والعلاجات فيتامينات بالما ومنشط للبطن يفتح الشهيه وعلاج شامل اسمه الشامل وباذن الله يغدي شرها علما ان الناقه اكلها قليل جدا |
رد: الناقه عظام وجلد عطها ابرت جرب هنديه الي تعطا في الحم ممتازة جدا صدقني باذن الله تشوف التحسن خلال اسبوعين |
رد: الناقه عظام وجلد فتش فمها يابو محمد |
رد: الناقه عظام وجلد ارحب يا حمد ما قصروا الاخوان ولكن فتش ناقتك اولاً من الهدب ( الحمام ) واذا سليمة منه عطها منشطات للكبد مثل الاوركسين 20 مل لمده 5 ايام وان شاء الله ماعليها خلاف |
رد: الناقه عظام وجلد السلام عليكم ورحمة الله وبركاته.... الاخ أحمد....الاخوان ماقصروا..الله يوفقهم . ولكن .هل ضعف الناقه ونشاطها ثابت والا كل يوم أردى من اللي قبله... وتشوفها تنقص بسرعه..ارجو الاجابه.. |
رد: الناقه عظام وجلد الناقه على حالها ظعيفه بالحيل ولانفعت العلاجات والخلطه الي بلعف واكلها قليل يعني الناقه نقول اول وزنها 300 350 الحين 150 |
رد: الناقه عظام وجلد اقتباس: المشاركة الأصلية كتبت بواسطة احمد محمد سلمان http://www.mzayan.com/vb/maazayn/ima...s/viewpost.gif السلام عليكم ورحمه الله وبركاته يااخوان عندي خلفه يوم شفت فيها ظعف قبل شهرين فطمت ولدها وبعدها ظعفت ازيد وعطيتها حق الدود و مانفع وبعد اسبوع اعطيتها ابره هيام وهالحين شانت ولا تقدر تمشي يالله تمشي وضعف بالحيل واكلها قليل وتبرك وهالحين عزلتها وارخيت عليها البرسيم صارلي يومين الي مرت عليه هالحاله ياليت يفيدنا سلام عليكم عطيها اوكسي 20% 40 مل يوم بعد يوم وابرة منشط الكبد كل يوم وبتسلم ان شاء الله |
| الساعة الآن 04 : 02 PM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |