![]() |
فراج الهويّج السبيعي - شريت صفرا نهار الورد طرابه الشاعر فراج بن مشرع الهويّج السبيعي له هذه القصيدة في ناقة صفراء مزيونة قام بشرائها بعد منافسة شديدة مع أحدهم تحت المزاد في سوق الإبل فقال بعد أن نال مبتغاه : شريت صفراً نهار الورد طرابه=صفراً طفوحٍ عذاب اللي يماريها شريتها من طورشٍ جوك جلابه=يومٍ حظي تعلا حظ راعيها ماني بجمّع رحايل ..... و.....=ما نشري ألا سنادٍ والجرس فيها عذروبها لا جاء للورد ضبضابه=تشدي هنوفٍ تمقّل من مهاويها تشدي هنوفٍ نهار العيد نصابه=تضحك بسن الجهل والزين مغريها أبغي ليا جاء من الوديان نجابه=منجوبة الصج تلفينا طراقيها قالوا من الأيسري لتين نهابه=غدا زبدها على عالي نوازيها أراعى بها فاطري وأنزل مع اللابه=اللابه اللي تنزّح من يعاديها مرباعنا في شمال الصلب وحرابه=ومقياضنا البتر لا زانت لياليها والله ما أغبط الغشيم اللي نقش بابه=في فيلةٍ من قروض البنك بانيها [/poet] صح لسان شاعرها وسلامتكم |
شريت صفراً نهار الورد طرابه=صفراً طفوحٍ عذاب اللي يماريها شريتها من طورشٍ جوك جلابه=يومٍ حظي تعلا حظ راعي خالد السبيعي لاهنت وبيض الله وجهك على عرض القصيده وصح السان الشاعر / فراج بن مشرع السبيعي اخوك ومغليك |
الغالي جاسم كل الشكر لمرورك الكريم وحضورك المشرف دمت بخير وتقبل أطيب تحية أخوك |
والله قصيدة والله ممتازة بارك الله فيك وبدلك بدال كل حرف عشر حسنات باذن الله وصح لسان اللي قالها |
الغالي عبدالرحمن الجهني جزاك الله خير وكل الشكر لمرورك الكريم وحضورك المشرف دمت بخير وتقبل أطيب تحية أخوك |
|
الاخت العبيه هلا بكِ ومرحبتين وكل الشكر لكرم المرور وتقبلي أطيب تحية أخوكِ |
بيض الله وجهك ياخالد على القصيده وعلومك كلها طيبه وانت راعيها وصح لسان ابومشرع الهويج تقودها فاطرٍ في الـذود مصطـوره ==== على الغناوي تشوش اليوم طرّابـه حلّيهـا دلـة الرسـلان بالصـوره ==== في ضف ربعٍ لهم نيـران شبابـه وألا كما قايـدٍ للبيـض مغـروره ==== قامت تمدرا لعرض الزيـن نصّابـه تحياتي لك والى الجميع |
الغالي سلطان ووجهك أبيض وما عليك زود طال عمرك كل الشكر لمرورك الكريم وحضورك المشرف دمت بخير وتقبل أطيب تحية أخوك ملاحظة : ألا ترى أنك دمجت أبياتي لي في ردك على قصيدة فراج الهويج !!؟؟ |
صح لسان فراج السبيعي الذي ابدع في قصيدته وهو شاعر غني عن التعريف وفعلا مايستانس راعي البل الا اذا شاف ابله مربعه وبخير وكأنه مالك الدنيا ومافيها مرباعنا في شمال الصلب وحرابـه..........ومقياضنا البتر لا زانـت لياليهـا والله ما أغبط الغشيم اللي نقش بابه..........في فيلةٍ من قروض البنك بانيهـا لاهنت ياخالد على اختيارك لنا هذه القصيده الجزله تقبل تحياتي اخـــــــوك/ ســــــــفر المري |
الاخ العزيز خالد بعد التحيه بنسبه للملاحظه / قصيدة الهويج اعجبتني وذكرتني بردك على قصيدة مقعد فقط لاغير هاذا للمعلوميه تحياتي لك |
لاهنت يا سلطان وحضورك مما يسعدنا دمت بخير يا غالي أخوك |
بيض الله وجهك اخوي خالد علي اختيارك الموفق |
عبيد المنصوري ووجهك أبيض يا غالي وكل الشكر لمرورك الكريم وحضورك المشرف دمت بخير وتقبل أطيب تحية أخوك خالد أبو عبدالله |
ماني بجمّـع رحايـل ..... و.....ما نشري ألا سنادٍ والجرس فيهـا عذروبها لا جاء للـورد ضبضابـه تشدي هنوفٍ تمقّل مـن مهاويهـا صح لسانه بيض الله وجهك يا بو ليد |
الساعة الآن 40 : 11 PM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |