|
يالربع عندي ناقه فيها عش صباح الخير وكل عام وانتم بخير يالربع عندي ناقه شاريها من رجال العام واضربتها العام وشولت واخر شي اكتشفت انه عش لان العامل يقولي البعير ماضفها زين مع العلم ان راعيها مكرمها وشايله شحم وشكل بول البعير اعزكم الله والملايكه ماوصل رحمها مع اني طلعت دكتور وسوالها اشاعه وطلع رحمها فاضي وش الحل لاهنتوا ودي اضربها الضراب الجاي مع العلم انها سديس وراعيها يقول جابت قعود ومات وديدها فيه حليب واجد اول ماشريتها احلب منها انضفه الين قبل شهرين واللي يعرفلي دكتور جيد يدخل ينضفها بالرياض حي الجنادريه يدلني تكفون يالنشاما |
رد: يالربع عندي ناقه فيها عش ارحب يا احمد والأمور طيبه وتبي تعشر باذن الله اول ما تهيج البعارين اللي حولك عطني خبر وارسل لك رقم رجال يجي وينظفها ويجهزها للبعير بس انتبه من موضوع الشحم وخفف طعامها |
رد: يالربع عندي ناقه فيها عش الله يوفقك يامحمد وماقصرت وانا عازلها بشبك من 3 شهور تقريب والناقه ضعفت |
رد: يالربع عندي ناقه فيها عش مرحبا اخوي محمد ماكل ناقه وانا اخوك تلقح من اول ضراب بس اذا كان الناقه زل حتن ولادها بفتره طويله وانت متاكد انها مهيب القحه ولاهاالحين الناقه تشول يمكن ان اللي فيها عش او الرحم خاتم ومالك مجناب عن مستشفي البيطره في الاحساء |
رد: يالربع عندي ناقه فيها عش شفلك رجال خبير يدخل على الناقه وينظفها وما قصر ابو صالح |
رد: يالربع عندي ناقه فيها عش قطع لها وقبل ماتفك عليها سوا لرحمها تعقيم بوضع ملح عربي ولف بخرقه خفيفة وثبته بعصى طولها ذراع في رحمها لمدة كافية قبل ماتفك عليها http://mzayan.com/vb/maazayn/images/...ser_online.gif http://mzayan.com/vb/maazayn/images/buttons/report.gif http://mzayan.com/vb/maazayn/images/misc/progress.gif |
| الساعة الآن 34 : 10 AM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |