|
الخلفه منقطعه جلد على عظم!!! السلام عليكم ورحمة الله وبركاته مساء الخير على الجميع يالربع انا عندي خلفه بكر ماكان فيها الا العافيه وما ادري وش اللي جاها وصارت جلد على عظم مع العلم ان اكلها زين جربت معها ابرة الجرب الفرنسيه وابرة هيام في اللحم وحبوب دود ولانفع لها على هالحال 3شهور تقريبا وللعلم يوجد بعض الجروح على ووروك الناقه واذا قربت منها لها ريح ماهو بزين وتغير حليبها غدا مر اللي عنده علاج لايبخل علينا والله يجزاكم خير |
رد: الخلفه منقطعه جلد على عظم!!! ياهل الخبره وين العلاج جزاكم الله الجنه |
رد: الخلفه منقطعه جلد على عظم!!! هلا يا حسن نسمعك ولا نسفهك هذا رابط لموضوع سابق يفيدك http://www.mzayan.com/vb/showthread.php?t=48761 |
رد: الخلفه منقطعه جلد على عظم!!! بيض الله وجهك يابندروجعل من جابك في الجنه الحاله غيروأنا اخوك ناقتي تاكل اكل ماهو بصاحي لكن ما ادري وش اللي فيها بالضبط مع العلم اني ماخليت شي اتمنى من الجميع المشاركه ولكم جزيل الشكر |
رد: الخلفه منقطعه جلد على عظم!!! ابعد الحاشي عنها وبتشوف مايسرك وعطها بنسيلين ثلاث ايام |
رد: الخلفه منقطعه جلد على عظم!!! اقتباس:
الرضاعة تدق الناقة لو تأكل 24ساعة |
رد: الخلفه منقطعه جلد على عظم!!! حياك الله خوي بو شافي مادام الناقة تاكل واكلها زين وطاقة الجرة بترد اشاء الله واحسن من اول واللي يقول الحوار يضر امه كلام مو صحيح وشلون الناقة ما ترضع حوارها؟؟؟؟؟؟؟؟؟؟؟؟؟؟؟ ابنصحك تدور واحد ولو بالدراهم يطق الناقة ابرة الجرب فورميك الامريكي الاصلي وترد عليها بنفس الجرعة بعد 13-15 يوم لان الابرة اذا اما اندقدت صح تصبح عديمة النفع وتلقى مكانها وارم الله الله بالملح حطه لها مع المجروش وقدامك العافية تقبل تحياتي |
رد: الخلفه منقطعه جلد على عظم!!! الله لا يهينكم على الردود وجعل من جابك في الجنه |
رد: الخلفه منقطعه جلد على عظم!!! نصحيتي لك ياطويل العمر تسوي لها تحليل في المختبر على الدم والكبد وبيظهر كل شيء |
رد: الخلفه منقطعه جلد على عظم!!! عليك بثوم فص واحد تفرمه في ماء صحه ابور يالين وتحقنه وتعيد بعد 4ايام لمده 3مرات تبي تشوف الخيران شا الله ودعواتك |
رد: الخلفه منقطعه جلد على عظم!!! اقتباس:
لاهنت يابوعبدالله وبيض الله وجهك |
رد: الخلفه منقطعه جلد على عظم!!! اقتباس:
اخوي سعد الله يرحم والديك ويكثر من امثالك |
رد: الخلفه منقطعه جلد على عظم!!! السلام عليكم ورحمة الله وبركاته: هذا حال العشاير دايم مر على اي حلال وشف حال العشاير وشف حال الحيل واللقحات بتشوف الفرق لازم تخصص للحوار وقت للرضاع انا ما ادري وش كبر حوارك لكن كانه اكبر من خمس شهور خصص له وفت تشمل الناقه وتفكهاعليه وحاول ما تعطيها برسيم عشان ما تنهشم كلها حليب وفي نفس الوقت ما ينضر ديدها اذا شملتها واي استفسار انا في الخدمة والشباب بعد ما يقصرون |
رد: الخلفه منقطعه جلد على عظم!!! بيض الله وجهك يالقرم ولاخلا ولاعدم |
رد: الخلفه منقطعه جلد على عظم!!! اخوي حسن صبحك الله بالخير البكر يسمها سهيل الين يكف نجومه واذا الناقه اكلها طبيعي ولا تشوف في حوارها رجا والا طمعه حاول تبعد عنها وعط الناقه محلول الدود الابيض بادي الامر وحط لها مع الشعير كل ثلاث ايام بيالة حبه سوداء مع الشعير واخلطه معها وعليك بالغسيل الناقه سامها الحر اللي تمكن منها برد عليها كل يوم بالرش والغشيل وحاول يكون في الظهر هالكلام اذا صارت ناقتك ما تشكي من اي عله غير الضعف والله ينفعك باللي قلناه ولا يتكلك على احد من خلقه ولك شكري وتقديري |
| الساعة الآن 37 : 12 AM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |