|
وش علة الديس بسم الله الرحمن الرحيم يااخواني وش علاج الوريم ؟ كان عندي خلفه جاها وريم في موخرها ولا خليت علاج ولا طب فيها . ولا راح الا بعد ما بعت ولدها. وهالحين عندي عشرا ولقحه وفيهن وريم وهذي صورهن صور لورم الخلفه http://www.mzayan.com/vb/images/uplo...6c5ca11042.jpg http://www.mzayan.com/vb/images/uplo...6c5ca5750d.jpg وهذي صور لورم اللقحه . ولها 7 شهور لاقح وما طلع الورم الا من اسبوعين http://www.mzayan.com/vb/images/uplo...6c6c8454ca.jpg http://www.mzayan.com/vb/images/uplo...6c6c88b1c4.jpg http://www.mzayan.com/vb/images/uplo...6c71ee4f97.jpg http://www.mzayan.com/vb/images/uplo...6c71f356cd.jpg http://www.mzayan.com/vb/images/uplo...6c75237864.jpg |
وش نوع الوريم هل هو حضاة 00 اذا كانت حضاة علاجها بسيط |
أرحب ياسعود أنا أقول لك الوريم هذا يظهر لي من الصوره أنه من الوقاف البل شكلها محبوسه ماتمشي ماهيب إبل شبوك وكذالك نوعية الطعام الجريش مع البرسيم وهي محبوسه يصيبها بالوريم 0؟ هذا مالاحظته من خلال الصور وكلامي من تجربه واقعيه 0 وخاصة الناقه اللي ماضريت بالوقاف والشبوك يصيبها وريم تحياتي للجميع |
الاخ شجاع البل تمشي لكن مهوب مهوب ممشاها الاول يمكن 3 كيلو فاليوم الاخ محمد وش علاج الحضاه؟ عندي خلفه فيها حضاه |
اخوي سعود بعطيك طريقه من واقع تجربه وجربها ورد لي اذاطلع الصديد نظفه واعصره واغسله باكسجين حاول ان الاكسجين يروح داخل وخذ لك شاش ومقص دقاق ورش الشاش ببخاخ اليود لونه بني ودخل الشاش وادفعه بالمقص الى ان تشوف الشاش وقف مايدخل واسحبه وغير الشاشه بنفس الطريقه وخلها الى بكره ويوميا سو لها غيار وبعدين يلتم اللحم من الداخل واذا شفت انه مايطلع صديد والتم الى الجلد اغسله بملح وينشف وانشالله يلتم على نظافه ولاعاد يطلع ثانيه00 |
اخوي سعود الوريم اللي سببه حبس البل بالشبك عليك بتمشية البل ورش ديوسها بماء بارد وخاصة وقت الظهر 0 وبالنسبه للحضاة لاتنسى البنسلين مع الطريقه السابقه |
السلام عليكم بالنسبه للوريم حنا نغسله بسم نحط شوي سم ونزيد الماء نخليه رقيق يعني خفيف ونمسح صفن الناقه(الديس) اما بالنسبه للحضاه اذا كانت في بدايتها وكويتها يعني حط عليها حلقه (دائره)على الحضاه وتثبت مكانها وبعد فتره بتموت ولاكن مكانها بيبقى وبالتوفيق واسف على الاطاله |
بيض الله وجه كل من افاد |
ياراشد المقصود بالسم هو الجره |
السلام عليكم جميعـــــاً ... اخوي هذا النوع من الوريم يسموونه ( الخباش ) والخباش ذا يجي البل بسبب حبسها في الشبك ... والعلاج خلها تمشي يوميا ومع حلبها يرووح الخباش ذا .. وتقبلو تحياتي |
| الساعة الآن 40 : 02 AM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |