|
مخاب من استشار السلام عليكم ورحمة الله وبركاته يالربع عندي الله يسلمكم حقايق بكار ومابين اني اضربهن هالسنة او السنة الجايه ان كانا من اهل الدنيا - العلم فيه فحل اساسه طيب يقول راعيه ان ساسه على بعير الباتل والباتل معروف الفحل اطيب مافيه راسه كايف وعليه خشما اجنف وعرنون بس باقي المواصفات ماودك تشوفها الرقبه عنجا وقصيره والباقي شكل ناقه مع ان راعيه يقول ان يومه صغير امه ميته والعناية لك عليها وحالا ردي - ويش رايكم اضرب عنه او ادور غير ذا الفحل مع انهم يقلون البعير يطش مثل راسه والباقي يطلع على امه . |
رد: مخاب من استشار نصيحه اذا ماشفت الانتاج بعينك لاتضرب كبك من علوم الناس وهرجها الزايد |
رد: مخاب من استشار أولاً : نصيحة محب : الحقــــه لاتضربهاااا . الناس الان ماعاد يضربون البكره ألا جذعه أو ثنيـه عشآن يتم عمرها واللقيـه الوافيه يضربونها أما الحقه صعبه أنت تضربهاا , ثانياً : لاتضرب البعير لين تشوف انتاجه قدام عينك , ماعليك من شكله . وسلامتك |
رد: مخاب من استشار ياحاتم الله يمسيك بالخير لاتستعجل على البكار توهن انتظر لين يجذعن وضربهن البعير المنتج اللي تشوف انتاجه بعينك والله يرزقك بالانتاج الطيب |
رد: مخاب من استشار حياك الله اخوي حاتم البكار توهن لا تستعجل عليهن ولا تضربهن الا من جذعه وفوق عشان تتم عمارهن واما من ناحيت الضرب البعير . لا تضرب البعير لين تشوف انتاجه والله يرزقك بالانتاج الطيب |
رد: مخاب من استشار مثل ماقالو الاخوان لاتستعجل عليهن والبعير أصل |
رد: مخاب من استشار الله يجمل حالكم شوركم وهداية الله |
رد: مخاب من استشار اقول خل الخلق للخالق وقت ماتياسرن البكار ضربهن من تجربه لا تحيل البكار ثم تضربهن حول او حولين ولا الله يتم عشارهن |
رد: مخاب من استشار اقتباس:
|
رد: مخاب من استشار اضربها جذعه وطالع ولا تضرب الا لين تشوف الانتاج |
رد: مخاب من استشار اقتباس:
ممكن افهم السر في انك تضرب ام سنتين ولا تضرب البكره الحقه الا بعد ماتصير جذعه او ثنيه ؟ |
رد: مخاب من استشار حواره >مفروده >حقه >لقيه> جذعه> ثنيه ...هذا الترتيب يابركات وكلام الربع وافي .. |
رد: مخاب من استشار اقتباس:
جعلك سالم يا مبارك حواره تحير عندها امها منيوم الي 6شهور الي سنه مفروده بعد السنه حتى سنتين لانها انفردت عن امها وتعتمد على نفسها في التغذيه لقيه بعد تمام السنين ملاقيه اخوها ويقال بنت لبون حقه بعد ثلاث سنوات مستحقه الفحل جذعه بعد اربع سنوات ثنيه بعد خمس سنوات وبعد ذلك ام ثاني وثالث ورابع وفاطر يمكن بعض العرب يختلفون في مسميات اعمار البل وتسميها وليش سميت بذلك ؟ |
رد: مخاب من استشار اول مره اسمع ان الحقه تظرب اضربها جذعه وطالع ولا تضرب الا لين تشوف الانتاج |
رد: مخاب من استشار بالنسبة لترتيب مسميات اعمار البل عندي - ان الحقه اكبر من اللقيه - من هذا الفهم طلبت الأستشارة من الأخوان في اضراب الحقة . على هذا الترتيب حواره - مفروده - لقيه - حقه - جذعه - ثنيه . اما الأن فهمة الترتيب الصحيح لأعمار البل . |
| الساعة الآن 59 : 11 AM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |