|
ماهي البدوه !! ماهي البدوه وهل هي رحم الناقه !! وهل خروجها من حيا الناقه دليل عشار لان الناقه شاكين في لقاحها وهي ماتشاول ابد !! شاكرا ومقدرا تجاوبكم سلفا" |
رد: ماهي البدوه !! البدوة سلمك الله ضعف في عضلات الرحم وهو مرض ماله علاج ... ومرض خطير..ترحم الناقة وتموت !!!! لكن لالقحت الناقة يخيطون حياها وإذا أراد الله تلد وتسلم . . . وأنا بعد عندي سؤال : هل سبب البدية وراثي ؟؟ .. وإلا مرض ؟؟؟ .... وإلا ناتج عن طريقة إضراب الجمل ؟؟؟؟ لأني سمعت إن الجمل إذا أضرب وهو بدين وماهاج إنتاجه من البكار تظهر بهن البدوة !!! وننتظر رأي الإخوان |
رد: ماهي البدوه !! مشكور أخوي ابوراشد على المشاركه وبأنتظار آراء الاخوان لنستفيد جميعا" وفقك الله لما يحب ويرضى |
رد: ماهي البدوه !! البدوه تختلف من مرحله للمرحلة أخرى وتطور الاتهاب البديه يسبب خطر عل الناقه اللقحه العلاج لايوجد علاج واضح إنما اجتهادات كحلول وقتيه تطهير البديه بشكل مستمر بالمطهرات المعروفة عمل شبكه لحيا الناقه المصابة لمنع خروج البديه مراقبة الناقه فالشهور الأخيرة بشكل مستمر لاحتمال خروج الرحم ذكر أن البديه والنجفه وراثيه والله اعلم تقبل مروري |
رد: ماهي البدوه !! تشرفنا بمرروك يامحمد .... تقبل تحياااااااااتي |
رد: ماهي البدوه !! البدوه تظهر في الغالب اذا كانت الناقه شحمه كثير اما ااذا كانت الناقه ضعيفه فتحصل في الغالب ان جلد البدوه صار ميت فلابد من غسلها بمطهرات حتى ترجع ولابد من شماله تساعد الناقه على ادخال البدوه اما من ناحية كيف تجي يقولون الشيبان انها وراثية ومن ناحية عشار الناقه فليس لطلوع البدوه اي علاقه بالقاح هذا والعلم عند الله |
رد: ماهي البدوه !! يقول شايب من جرانا ان كان عنده بعير كل بناته تبدي بدون استثناء معناته وراثه الوكاد انها مشكله |
رد: ماهي البدوه !! عندي مهجنه اصيل .. والمصيبه انها لما كانت ثنيه تنوخت لبعير ما شاء الله عياله يجونك كبر فيهم مش طبيعي لدرجه انه عياله يعلقون في امهاتهم وهم في بطونها فللاسف هالبكره كبرت بنتها في بطنها ولا قدرت تطلع فاضطر الدكتور انه يقطعه فيه بطنها ويطلعه .. ومن بعدها ابدت حتى بعد سنه من هالموضوع تمت تبدي وهيه حايل ..... اتعوقع فيه اسباب للبديه .. وفيه وراثه ... وهذا والله اعلم |
رد: ماهي البدوه !! البدوة وراااثه مافيها كلام .... والناقة المبدية تظهر فبناتها والعلم عند الله لكن السؤال // الناقة اللي فيها بدوة وهي ما فـ اصلها بدوووه وشلوووون جاها وراعيها متأكد ان امها وخواتها مافيها كبر الشعرة |
| الساعة الآن 26 : 11 PM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |