سؤال لأهل النظر والخبرة
 

السلام عليكم
سؤالي هو وش رياكم في هذا الفحل وفي لونه
مع العلم بأن أبوه هو الفحل حوران من أفضل الفحول الوضح و أمه بعد عفراء وهو توه جذع


http://www.mzayan.com/vb/images/uplo...3d232a5422.jpg
http://www.mzayan.com/vb/images/uplo...3d24a79377.jpg
http://www.mzayan.com/vb/images/uplo...3d25b796db.jpg
http://www.mzayan.com/vb/images/uplo...3d26ed97ab.jpg

وهذي صورة ابوه وهو عليه سوم قديم 2 مليون

http://www.mzayan.com/vb/images/uplo...3d2cbd9ef8.jpg

وعليكم السلام

مرحبا بك أخي مساعد

انا حصل معي موقف مثل القعود الي عندك عندي ناقه شقحه وامها شعله وضربها فحل اوضح وجابت قعود اوضح
والقعود طيب وتفحل وضرب وجه انتاجه شعل اجذبته جدته الشعله

بالنسبه للقعود طيب والله يبارك لراعيه فيه ما عليه منقود الي القصر
وراسه طيب لاكن مهو بالطيب الي مسكت ولا ينقال عن راسه ردي ينقال عنه طيب
وغاربه طيب وارقبته طيبه حيل وعرقوبه طيب
والبعير يزين لغايت ما يصير سديس ويلقه عمره قدام
وهو هالحين جذع والله يبارك لراعيه فيه

هذي فائده لاهل البل في الاعتناء بالسلاله وليس الام والاب فقط وانما للبحث فيما وراء ذلك
واحد من الجماعه عنده فحل اليا اضرب المغاتير فوله مغتر وانن اضرب المجاهيم تطلع عياله شعل أطيب من عياله المغاتير
حتى ان عياله الشعل عيال المجاهيم اطيب من الفحل نفسه بكثير
----------------------------------------------------------------
بالنسبه للقعود طيب ومافيه عذاريب بينه واتوقع ان عياله تطلع مغاتير خلافا للونه
حيث ان لونه والله اعلم طارئ بسبب عرق قديم ولا يضره ان شاء الله
وهذا له علاقه بعلم الوراثه والالوان السائده والمتنحيه

الأخوان محمد و حاتم بيض الله وجيهكم على التواصل و رايكم الطيب

على كل حال أنا هديته في شقح طيبات والله يرزقنا منه رزق طيب