|
وش السواة يالربع السلام عليكم عندي ناقتين السنه الي راحت لقحات وقبل وقت ولادهن بشهرين اصعدن ولي شهرين اضربهن ولاتعاشرن كل ناقة ضربتهن بين اربع ثلاث تضريبات*******وعليهن شحوم وش تنصحوني وشكرا |
رد: وش السواة يالربع البل مافيهن جسره !!! ماتعشر الناقة على هون اللي مابها جسره |
رد: وش السواة يالربع السلام عليكم يا اخى الكريم من واقع تجربه اذا طشت الناقه اللى فى بطنها دون سبب ضاهر مثل التزاحم على الماء او العشا يكون فيه التهاب فى الرحم وتحتاج ادخال وغسيل من شخص فاهم ومضاد حيوى وان حصل تحليل مالطيه جيد جرب الادخال عليهن وباذن الله يلقحن من اول مره وتقبل تحياتى |
رد: وش السواة يالربع أنا أشوف إنك تحملهن لقرب كلية طب بيطرية وتحللهن وتشوف مشكلتهن العام وهالسنه ..لو وحدة قلت ادخل عليها وعطها مضاد وغيره لكن ثنتين لازم تهتم أكثر ولا تتأخر على شان تستفيد يالطيب |
رد: وش السواة يالربع ياطلال كلها تطايح عند البعير كلها مياسير. أنا ضد الي يضرب ناقتة وهي ماهي ميسر حتى لو قدامك بعير طيب |
رد: وش السواة يالربع كلها منظفات وممفتش عليهن. علما اني كنت مرخي.عليهن العلف الشعير مع المكعب. مع بعض والتبن وأنتم بكرامةناقع. في الحياض. الله لايهينك عبدالمحسن |
رد: وش السواة يالربع شكرا على النصيحة يانواف. وان شأالله انهن يتعاشرن |
رد: وش السواة يالربع هلا يا فيصل اسال الله ان لا يخسر عليك ويعوضك اطيب من اللي راح سبب الاصعاد والله اعلم فيهن مالطيه وتحليل الدم هو الفيصل في مثل هذه الحاله وبالنسبه لعدم العشار سببه من المحتمل الشحم الزايد حاول تخفف عنهن و استخدم ابره مثبت ريسبتال والبعير فوق الناقه وان شاء الله يكتب الله لك العشار |
| الساعة الآن 52 : 08 PM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |