منتـديـات مــزايـن - الفزعة يا أهل البل

منتـديـات مــزايـن (http://www.mzayan.com/vb/index.php)

- عيادة مزاين البيطرية (http://www.mzayan.com/vb/forumdisplay.php?f=3)

- - الفزعة يا أهل البل (http://www.mzayan.com/vb/showthread.php?t=51644)

الفزعة يا أهل البل

بسم الله الرحمن الرحيم.
اللهم يسر امر المسلمين في الشام وفي مالي وبقاع الارض مشارقها ومغاربها, اما بعد,
اخواني أهل البل استفسار وشور وفزعه منكم.
عندي بكره حقه حالها وسط وفتشتها ولقيت خمله,ولا الله اراد اعطيها علاج ,
وقبل كم يوم سرحت مع البل وطاحت بالمفلا ولاقامت جبت ونش وشلتها ورديتها لمراح البل.
البكره اكلها ماعليه ولاهي ذارق,بس ماتقوم ,رديت البارح الونش وحاولت اوقفها مافاد فيها رعده ولا يصلب عظمها.
تهمم تبي تقوم وهي باركه ولاتقوى,جبت الدكتور وعطاها علاجات ووصفها لها قال نقص كالسيوم وفيتامين ب1 ,ونشدت رجال شرواكم قال البكره فيها(وهم)ولازم تكويها,وابي انشدكم هل مرتكم الحاله ولها علاج وهل تطيب واذا لها كوي محل الكوي بالضبط وين عشان اكويها,
ودمتم سالمين من اعضاء وادارة وملاك ابل.
ختاما اللهم وفقنا لما تحب وترضى واهدنا سبيل الرشد واجمعنا على طاعتك وفرقنا عن معصيتك.

رد: الفزعة يا أهل البل

مرحبا بك
والله يقبل دعواتك وينصر المسلمين في كل مكان
وبالنسبة للبكرة على أي اساس قالوا الدكتور فيها نقص كالسيوم ؟
هل عمل تحليل دم ؟ للعلم بعض الدكاترة بياع كلام
لذا أفضل تشخيص لبكرتك تسحب عينة دم وتحللها في المختبر
ومن خلاله يتضح لك التشخيص الحقيقي بأمر الله هل هو نقص كالسيوم
او نقص حديد او مشاكل في وظائف الكبد وغيره

رد: الفزعة يا أهل البل

الاخ حمدان بعدالتحية
ماقصر الاخ مسعود وعندي اضافه وهي مرض الوهن اذا بركت ماقامت ولكن اذا البكره متاكد ماتخمت فالبكره مهيومه فااعط البكره ابره الهيام تسمى تركوين الهنديه وعوضها بابره فيتامينات