ساعدونا في البكره اللي ما تقوم
 

صبحكم الله بالخير جميعا
عندي الله يعطيكم العافيه بكره حقه حالها وسط طاحت لها في حفره تقريبا طولها متر ونص والله مدري كم اخذت فيها لكن الاكيد يوم وليل وجيتها ولقيتها باركه وجبت ونش وطلعتها ووقفتها بالونش ومشت حوالي عشرين متر وبركت واخذت ثلاثه ايام اغرها بما وعطيتها ابر من البيطري ولا قامت ورفعتها مره ثانيه و عشت مع امهاتها وامرحت واصبحت ما قامت ولها ثلاثه ايام اعطيها العلاج وارفعها كل يوم واذا رفعتها تفلي مع امهاتها النهار كله وامس مقامها ردي وممشاها ردي وجبت رجال امس العصر وكواها يقول فيها وهان واليوم رفعتها وراحت حول مية متر وبركت وخليتها باركه
وش الراي اللي عنده راي طيب يعلمنا
ومشكورين

رد: ساعدونا في البكره اللي ما تقوم
 

اخوي حمد كانت عندي بكره جاها نفس ماجا بكرتك واخذت اسبوع تاكل وتشرب وهي باركه متوهنه رفعتها كم مره بالونش وعطيتها ابر التهاب اعصاب من عند البيطري ومن خوفها من الابره بعد كم يوم تمرغت في مبركها وانا اعطيها الابره وقامت واليوم الثاني نفس الحاله وقامت وصارت كل ما جيتها تعرف اني ابي اعطيها الابره وبعدها طلقت عقال ماعاد ابركت الا مع امهاتها وتسرح وتضوي الابره كنت اعطيها في الخويرم الله يشفي بكرتك اصبر عليها وتقوم

رد: ساعدونا في البكره اللي ما تقوم
 

مشكور يا مسفر والله يعطيك العافيه

رد: ساعدونا في البكره اللي ما تقوم
 

انت اخطيت يوم فكيتها مع البل بعد الكوي المفروض انك شابكها اسبوع والا اسبوعين لان الممشى والهجيج يتعبها زود

رد: ساعدونا في البكره اللي ما تقوم
 

حياك يا خالد بعد الكوي ما راحت الله يعطيك العافيه

رد: ساعدونا في البكره اللي ما تقوم
 

نفس المشكله حصلت معي جايب بكره من وادي الدواسر على دانه
ويوم نزلتها بركت ولا قامت وخرجتها من حوش الابل بجنب طريق و الى عشره ايام ويوم من الايام
انفك حصان من مربطه ونطلق جهت البكره والله انها قامت ولا كن فيها شي ومن يومها وهي بخير

الي انصحك به يبيلها تخويف وبتشوف الي يسرك