استفسار عن وسم
 

السلام عليكم ورحمة الله وبركاته

مساكم الله بالخير جميع

يالربع ودي انشد من وسمين لأني شاري فحل من السوق وعليه ذا الوسمين واضربنا اكثر البل ولكن ودنا نعرف اقصاه ولا ننشد راعية من علومه وانتاجه ان كان علية انتاج

وسومه واحد على الفخذ من يمين رقمتين فوق بعض ومطرق وراها ورقمه عقب المطرق وشاهده مطرق صغير بالعرض تحت الكرسوع

والثاني مطرق طويل شوي ورا اذنه في اول الرقبة من اليمين ورقمتين فوق بعض صوب الرقبة وشاهدة مطرق صغير بالعرض في وصط الرقبة

ارجو من الله ثم منكم الإفادة الله يعطيكم العافية

رد: استفسار عن وسم
 

وعليكم السلام ورحمت الله وبركاته
الوسم الي على الفخذ الظاهر انه اللكاز وياسمونه الحرجان من الدواسر

هاذا الي اعرفه وانا اخوك

وعذرنا على القصور

رد: استفسار عن وسم
 

الله يعطيك العافية اخوي محمد

نعم هذا الكاز بس مهب وسم الحراجين لأن وسمهم الحلقة على الخد

وننتذظر من يفيدنا

وشرفني مرورك يالغالي

رد: استفسار عن وسم
 

خابر وسم الحراجين الحلقه بس انا اقصد الفرجان من الدواسر الي منهم الهواشله والهوامله والصخابره كلهم ياسمون اللكاز

رد: استفسار عن وسم
 

بيض الله وجهك

وياليت احد من الدواسر يدلنا على راعية الاول ناخذ علومه

رد: استفسار عن وسم
 

لو فيه صور تختصر على الجميع الوصف لتشابه الوسوم

لاهنت

رد: استفسار عن وسم
 

الاول وسم الدبالين من الدواسر

و الثاني حسب وصفك وسم الظفير ويسما هذا الوسم العموده

رد: استفسار عن وسم
 

بيض الله وجيهكم جميع