|
هااام الفزعه ياخوان عندي قعود سنه بيدخل لقي وعاقبنا مايداني القيد نهائياً ومن يشوف القيد في يدك يجيه جن واذا نزلت تحته ابي اقيده يقوم يتهبد مانقيده غير بعد الطرح المهم اننا قيدناه وربطناه ابيه يتعود وبعد كم يوم قطع الرباط وخليته كم يوم على شان ينسى اليوم جيت اسوقه على الرباط على شان اربطه ينحاااش المهم اني ربطته بالنهاية وش الطريقة الأفضل ابيه يتعود على الرباط القعود عنييييييييد وطرحته بكره في أكل الوبر الأن وش الحل ... |
رد: هااام الفزعه ياخوان خل القيد يبطي فيه .. الدعوى ماهي على كيفه :mwalat14: |
رد: هااام الفزعه ياخوان الله يبارك لك فيهتحكم فيه بالجوع وما يأكل إلا بمربطه |
رد: هااام الفزعه ياخوان كلامك طلال 100% لا تفك قيده مرررره |
رد: هااام الفزعه ياخوان لا تفك قيده مرره وكل من قطع اعطيه قيد ثاني وخليه فترة على هل حال وادا جا العامل يعطيه علف خليه ينزل يوهم القعود كانه بفك القيد وعلى هل حال فتررة وبتعوودد ونفس الحال في الربط فكه يشرب ورده غير كدا لا |
رد: هااام الفزعه ياخوان الله لا يهينكم جميعاً على الردود بس القعود ياخوان اذا فكيته من الرباط وطلع مع البل وجيت ارجعه لرباط مايرجع والله ليه نطرحه ونربطه لأنه يهبد ويرمح وعاقبنا ولا ودي اضربه واروعه و العامل لك عليه بعد وفوق كذا القعود من يطلع مع البل وهو مقيد مايمشي نهائياً يهج والبل معه حتى وهو مقييد وش الرأي .. |
رد: هااام الفزعه ياخوان لا تفكه مع الابل خل مربوط لين يتعود |
رد: هااام الفزعه ياخوان اقتباس:
ادا هذا نظامه امشي معاه بالقوة الين يتعوود |
رد: هااام الفزعه ياخوان اربط يده برجله بهجار ماعاد يرثع بقيده ويهج على الابل |
رد: هااام الفزعه ياخوان تاخرت عليه بالقيد لو أنك مدربه عليه قبل هالسن كان يمديه تعود وعرف لكن القيد والرباط وحاول تفكه بالقيد مع البل وترده تربطه وكرر هالامر باستمرار ولاياكل ألا في مربطه وفي هالسن المهاداه ماتجيب منه نتيجه يبي تصخير بنظام وانتبه من الضرب , وخله يشوف العصا |
رد: هااام الفزعه ياخوان كان عندي مفرود جفول ما يخليك تقربه .. وحتى بالخبر عجزت عنه يوم قرب يحقق وانا اقيده واربطه ,,, قعد له كم شهر وهو على وضعه ومع الوقت قام يخلي اللي يعلفه يقرب منه وشوي شوي قام يهدا والحين الحمد لله اهدأ الحلال |
رد: هااام الفزعه ياخوان ارصغه حط لك تاير فوق الخيه وحط له خطام ونزل راسه وقيده وخله كم يوم لين يعرف الخطام والقيد هذه عسافه زينه له وفي المستقبل اذا احتجته اخطمه ووده وين ماتبي معك على فكره ترى الخطام ماهو محدد للهجن وبس في المستقبل الخطام بريحك كثير وبيصير القود راكد والله يوفقك |
رد: هااام الفزعه ياخوان لاتفك القيد منه بالمرة ولا تفك رباطه اطعمه واسقه الماء وهو في مربطه والقياد فيه وأحرص على أن يكون الرباط تحت القياد حتى مايلتوي لمدة شهر أقل شي تكون خلاله تحكه وتقرد له وتشوفه بعدها اذا روح مع اماته ينصا رباطه اذا سقته |
| الساعة الآن 27 : 06 AM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |