|
الفحل الي يضرب ولا يلقح وش دواه السلام عليكم ورحمة اللة وبركاتة الشهر عليكم مبارك اخواني من عندة حل يدلية علينا عندي فحل طيب واضرب وهو جذع ثم ثني ولا القح علمن ان اضرابة ماشاء اللة زين واللبل تاخذ 14 يوم ثم تكسر وش الحل فية والسنة ذي رباع وابي لة حل قبل اهده ولكم جزيل الشكر |
حياك الله يا خالد لاكن ياخالد الابل تكسر ولا ما اتعشر نبي نتكلم عن النثتين الاولي القعود لا صار جذع مهو بشي اساسي انه اتلاقح عليه وشي عادي وانه ما اتعشر عليه ولا فيه شي غريب والثني العرب تقول عنه وني يعني ضراب الجذع ابرك منه . هالسنه هو رباع بعز ضرابه وانشالله انه بتعاشر عليه وان حصل وما تعاشرو عليه بيعه وعلم شرايه بعذروبه يما يصبر عليه ولا يقصبه . اما انه الابل اتعاشر وتكسر هذا من الابل مهو من البعير لانه البعير تنتهي مهمته مع الناقه من تشاول وتأكد العشار البعير ينتهي دوره والكسر من الناقه مهو من البعير . واتمني اني اكون وفقت ويمكن الاخوه لهم راي ثاني |
الاخ محمد بن شرية بيض اللة وجهك وما قصرت على مجهودك الطيب لاكن وانا اخوك العام الماضي الفحل اظرب اللبل ولحديناها على البعير تشاول لين تاخذ لها 14 يوم ثم عقبها تبرك للفحل يعني كسرت علمن بان البل اضربها فحل ثاني وتلاقحت على طول وسلامتك |
حياك الله يا خالد ولاكن المشكله مهي من البعير دام انها عشرت عليه المشكله من الناقه نفسها وانت اسأل يمكن الاخوان يفيدونك لانه الي اعرفه انه مهمت البعير تنتهي عندما الناقه تعشر الكسار من الناقه وانها عشرت على بعير ثاني هذا الشي من الله ولاكن لا اضن ان البعير له شغل بالكسار بعد ما تشعر والله اعلم يمكن الاخوه يفيدونك اكثر مني وانا اسف الي هنا حد علمي ولا اقدر افتي لك بشي اكثر |
اخوي التوفيق والرزق بيد الله انت لاتهده لين يعصب البعير لان البعير اذا صار بطين يصير ضرابه خبيل وخطر على البعير ينبعج لاعصب وهاج هده وعليك بالدعاء وانشالله بتشوف خير منه |
الاخ خالد البعير لاصار ضعيف يجي لقاحه اضعف واللي اعنيه ماهو بضعف البنيه اعني ضعف الدم مثلا= الهيام =كثرة الدود =نقص الفيتامينات واللتي بدرها تؤدي لضعف هرمونات الفحل |
رد: الفحل الي يضرب ولا يلقح وش دواه لاتهد البعير الا لين يعصب تماماً |
رد: الفحل الي يضرب ولا يلقح وش دواه ياخالد جرب البعير فالشتا الجاي واذا البل كسرة اما البعير فيه نفس (العين) او انه ما الله كاتبلك نصيب منه , وشوف احدن تعرفه منحه البعير وشوف وش يصير معه اذا انياقه تلاقحة معنا ها البعير مهوب من نصيبك وبيعه عسى الله يرزقك افضل منه , وموضوعك زي موضوع اعيال عمي عندهم بعير يضرب ابلهم وتعاشر ثم تكسر وتضرب من فحل ثاني وتلاقح والبعير نفسه ياخذونه الناس منه منيحه وابلهم تلاقح عليه , وهلحين يبون يبعونه , وقال تعالى في سورة البقرة {وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ} |
رد: الفحل الي يضرب ولا يلقح وش دواه الاخوان كفو ووفو كلام اخوي محمد بن شريه صحيح |
رد: الفحل الي يضرب ولا يلقح وش دواه والله احتمال ان البعير منفضخ وهو جذع تأكد ان البعير وقت الضراب ماينفهق عن الناقه اذا استشمل انا اعرف رجال نفس مشكلتك وطلع البعير منفضخ وكواه وحماه وتلاقحت ابله والاحتمال الثاني واللي هو اقرب من وجه نظري ان البل فيها صيد او غيره تأكد منها زين فتشها والله يكتبلك نصيب منه ان شاء الله |
| الساعة الآن 22 : 01 AM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |