منتـديـات مــزايـن

منتـديـات مــزايـن (http://www.mzayan.com/vb/index.php)
-   عيادة مزاين البيطرية (http://www.mzayan.com/vb/forumdisplay.php?f=3)
-   -   ماخاب من استشار ( فزعتكم يالربع ) (http://www.mzayan.com/vb/showthread.php?t=54293)

بندر السبيعي 28 / 11 / 2013 59 : 02 AM
ماخاب من استشار ( فزعتكم يالربع )
 
بسم الله الرحمن الرحيم

السلام عليكم ورحمة الله وبركاته :



عندي ناقة لها قرابة أسبوعين وهي ماتاكل وضمرت كثير ومابقى علاج ماخذته

إبرة هيام- شربناها زيت - وأخذنا إبرة دم للبيطرة وقالوا سليمة ومافيها شئ ؟!!

أمس يقول الراعي وزرها احمر ! ولاني بعارف أيش الحل !!



أسأل الله أن يبارك لكم في حلالكم ومالكم ..

شجاع عمر الأكلبي 28 / 11 / 2013 21 : 05 AM
رد: ماخاب من استشار ( فزعتكم يالربع )
 
وعليكم السلام ورحمة الله وبركاته

مادام وزر الناقة أحمر فالناقة معها الجرح شف لك بدوي خبير يكويها ومن يومها بتشوف التغير على حالها والأمر سهل

تحياتي

مسعود العماري 28 / 11 / 2013 29 : 06 AM
رد: ماخاب من استشار ( فزعتكم يالربع )
 
مرحبا يا بندر

الناقة عيونها تهامل ؟
وهل فيها انتفاخات حول العين أو حول الغدد عند الفريصه أو ندبات في الجسم؟

إذا كان كذلك فهذي معها طفيليات دم وقاتل ومعدي وتحتاج إبرة امازول وابرة هيكسازول

والأفضل حلل الدم وتأكد من وجود الطفيل ونوعه أو أي أعراض أخرى

ابراهيم التميمي 28 / 11 / 2013 46 : 08 AM
رد: ماخاب من استشار ( فزعتكم يالربع )
 
السلام عليكم طالما خرج دم مع الوزر الناقه عندها التهاب في الكلى يوجد ابره عند البياطره لها والله الشافي

سلطان المرزوقي البقمي 28 / 11 / 2013 43 : 09 AM
رد: ماخاب من استشار ( فزعتكم يالربع )
 
اخي بندر الناقة فيها حمه افتح فمها وشوف في جانب الضروس تورمات من جهة الشدوق وتحصل هدب زايد يدخل بين الضروس
طالع من الشدوق، وهو يحرم الناقه الاكل واعتقد 90 % حمه هي السبب الاساسي ، بالنسبه لدم قد يكون من اثار علاج او شي اخر وليس المرض الاساسي ..


عليك تفتيش الناقه من الحمه لاتأكد اولاً قبل كل شي ..


بالتوفيق..

نواف بن عبدالعزيز 28 / 11 / 2013 33 : 08 PM
رد: ماخاب من استشار ( فزعتكم يالربع )
 
أعد التحليل في مختبر آخر واذا كان بعيد عطها طال عمرك ابرة هيام الهندية يقولون افضل من الفرنسيه حسب ماذكروا اطباء مستشفى القصيم البيطري وعطها مضاد حيوي قوي ثمانية ايام وعطها فيتامينات وكان فيه علاج اسمه جنتموايسين وسمعت انه وقف وهو خاص بالكلى ان حصلته ممتاز وسلامتك ياراعي المثلوثة












اع

بندر السبيعي 29 / 11 / 2013 53 : 06 PM
رد: ماخاب من استشار ( فزعتكم يالربع )
 
اقتباس:
المشاركة الأصلية كتبت بواسطة شجاع عمر الأكلبي (المشاركة 682148)
وعليكم السلام ورحمة الله وبركاته

مادام وزر الناقة أحمر فالناقة معها الجرح شف لك بدوي خبير يكويها ومن يومها بتشوف التغير على حالها والأمر سهل

تحياتي
الله يبيض وجهك اخوي شجاع ويكثر من امثالك .. فعلا مابقى إلا الكي !

بندر السبيعي 29 / 11 / 2013 55 : 06 PM
رد: ماخاب من استشار ( فزعتكم يالربع )
 
اقتباس:
المشاركة الأصلية كتبت بواسطة مسعود العماري (المشاركة 682149)
مرحبا يا بندر

الناقة عيونها تهامل ؟
وهل فيها انتفاخات حول العين أو حول الغدد عند الفريصه أو ندبات في الجسم؟

إذا كان كذلك فهذي معها طفيليات دم وقاتل ومعدي وتحتاج إبرة امازول وابرة هيكسازول

والأفضل حلل الدم وتأكد من وجود الطفيل ونوعه أو أي أعراض أخرى
اخوي مسعود مامعها شئ من ماذكرت وحللنا دمها ويقول سليمة !
الله يجزاك خير ويكثر من امثالك ..

بندر السبيعي 29 / 11 / 2013 58 : 06 PM
رد: ماخاب من استشار ( فزعتكم يالربع )
 
اقتباس:
المشاركة الأصلية كتبت بواسطة ابراهيم التميمي (المشاركة 682155)
السلام عليكم طالما خرج دم مع الوزر الناقه عندها التهاب في الكلى يوجد ابره عند البياطره لها والله الشافي
وعليكم السلام
اخوي ابراهيم جاء دكتور وقال يمكن معها التهابات وعطاها إبرة لكن على نفس حالها !

بندر السبيعي 29 / 11 / 2013 03 : 07 PM
رد: ماخاب من استشار ( فزعتكم يالربع )
 
اقتباس:
المشاركة الأصلية كتبت بواسطة سلطان المرزوقي البقمي (المشاركة 682158)
اخي بندر الناقة فيها حمه افتح فمها وشوف في جانب الضروس تورمات من جهة الشدوق وتحصل هدب زايد يدخل بين الضروس
طالع من الشدوق، وهو يحرم الناقه الاكل واعتقد 90 % حمه هي السبب الاساسي ، بالنسبه لدم قد يكون من اثار علاج او شي اخر وليس المرض الاساسي ..


عليك تفتيش الناقه من الحمه لاتأكد اولاً قبل كل شي ..


بالتوفيق..
فتحنا فمها اخوي سلطان ولا فيها تورمات ؟! لكن هذا مايمنع نشوفها مرة ثانية إن شاء الله
الله يبيض وجهك اخوي سلطان

بندر السبيعي 30 / 11 / 2013 51 : 11 AM
رد: ماخاب من استشار ( فزعتكم يالربع )
 
جاها الدكتور وشافها وقال معها مرض اسمه ( ابوسقي ) ! وهذا المرض على كلام الدكتور ماله علاج ابد ؟!
ويقول راح تكون بهذا الوضع حتى ماتموت !!!
هل كلامه صحيح يالربع ؟!

طلال الصعيري 30 / 11 / 2013 45 : 05 PM
رد: ماخاب من استشار ( فزعتكم يالربع )
 
ياشباب انتهبو وانت خاصه ياخوي بندر من الهدبدب والتسمم الدموي ذبحن ناقتين عندي لقحات من اطيب ابلي

مشعل الشويش 30 / 11 / 2013 36 : 09 PM
رد: ماخاب من استشار ( فزعتكم يالربع )
 
أخوي بندر

انت تقول اخذت ابرة دم ووديتها المختبر ,
فهذا خطأ , لأن الدم ماينفع بهالطريقه للتحليل ,
رح للمختبر يعطونك علب خاصه للدم تحفظ فيها الدم .
وانصحك اعد التحليل ,

وعسى ماهو زود انزيمات فالكبد ..


لأن المرض هذا انتشر فالابل الفتره الأخيره بسبب رش المبيدات على الاعلاف ,

,,

بندر السبيعي 03 / 12 / 2013 50 : 10 AM
رد: ماخاب من استشار ( فزعتكم يالربع )
 
الله يبيض وجيهكم جميع وماقصرتوا

الله يعوض علينا


الساعة الآن 41 : 07 AM بتوقيت مسقط

Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى

Ads Management Version 3.0.1 by Saeed Al-Atwi

جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى

This Forum used Arshfny Mod by islam servant
vEhdaa 1.1 by NLP ©2009