|
ينزل مع حليب الناقه دم أكرمك الله الأخوه الأعزاء السلام عليكم ورحمة الله وبركاته اليوم وكالعاده قبل الغياب أمر البل وأحلبها وعندي لي ناقه طيبه وماشاء الله تحلب بدون بنتها ( مسوح يعني ) أتفاجأت إن واحد من شطورها صار ينزل دم وأكرمكم الله ماهو دم صافي إللي يقدر يفيدنا الله لايهينه |
السلام عليكم ورحمه الله الناقه فيها التهاب في الضرع ويوحد كريمات لهاذا الشي في الصيدليه وانصحك بعدم شرب حليبها وستشارت بيطري اخوك |
تسلم أخوي فيصل وما قصرت ولا هنت لو ترسل تذكر لي أسم الكريم الأفضل لأن والله إن هالناقه غاليه على قلبي ولك تحياتي وماقصرت |
أخوي فيصل لاهنت للمعلوميه إن الناقه ضرعها ما بان عليه لاورم ولاغيره والدم أكرمكم الله نزل من شطر واحد بس والباقيات حليبهن صافي ولابان به شئ أبد . |
السلام اتوقع اخوي هذا التهابات انصحك بالبيطري يجي ويشوف وش حال الناقه ويعالجها لك |
تسلم أخوي عبدالمحسن وما قصرتوا وحليب التاقه يضر بنتها أعزلها عنها أو لا |
يا هلا يا سلطان أولا عليك أن تتأكد من فتحة الديد يمكن فيها جرح وأثناء الحلب يخرج الدم يعني الدم من الخارج وليس من داخل الديد وهذا سهل وعليك تنظيف هذا الديد بطريقة خفيفة ما تجرحه وتدهن التشقق بزيت الزيتون وألا فازلين لين يسلم ثانيا اذا كان من داخل الديد عليك استشارة بيطري متخصص ويمكن يفيدونك الاخوان عيد المنصوري أو الدكتور محمد نايف تحيااااااااتي |
ياهلا بأخوي خالد ويعطيك العافيه إن شاء الله وأبشرك لي ثلاثة أيام كل يوم أقوم بتنظيف ضرعها وأحلبها بالأرض ولا أعطيتها إلا ذكر الله لاعلاج ولاغيره وأستودعتها الله وأبشرك اليوم الناقه خاطرها طيب وحليبها مابه شئ من فضل الله والشكر لله أولا ثم لجميع الأعضاء والزوار |
| الساعة الآن 51 : 09 AM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |