وش رايكم بهالفحل كم يسوى
 

أسعد الله مسائكم ياأخوان
لي رفيق يقول إن هالفحل إنعرض عليه وراعيه يمدحه ويمدح إنتاجه وطلب مني إني أعرضه بالمنتدى
كم تعطونه يالربع

http://www.mzayan.com/vb/images/uplo...68372e8580.jpg

http://www.mzayan.com/vb/images/uplo...683b7e2ccb.jpghttp://www.mzayan.com/vb/images/uplo...685a9122e3.jpg

الاخ سلطان
الله يمسيك بالخير ويحييك

بالنسبه للبعير
انت تقول انه معروض على صاحبك ويقول انه انتاجه طيب وهذا المطلوب من البعير

وانت تبي اعضاء مزاين يعطونك رايهم كم يسوى
وانا اول واحد يرد على موضوعك واللي قبلي 11 قروا الموضوع ولا ردو عليه

انا لو كنت صاحب البعير وعارضه على صاحبك ما ارضى انه يعرض صورة بعيري في المنتدى ويسأل الناس يقيمونه

وهذا خطأ من صاحبك على راعي البعير

ولا اعتقد ان اي واحد من الاعضاء بيحدد له سعر معين
ولا يدخل بين البايع والشاري احد الا انه يقول الله يربحهم كلهم

الله يبارك لراعيه فيه ويربحه منه ويرزق اللي بيشريه

اخوك راشد العرق[/size][/size]

العذر والسموحه يالربع
الظاهر إن رفيقي وهقني مع هالوجيه الطيبه
والرجال كان عندي وأنا على المنتدى وأحرجني وطعته ولاوالله فكرت بالموضوع زين

وأطلب من المشرف حذف الموضوع نهائيا الله لايهينه
وعلى قولتهم ألتمس لأخيك العذر
وألف شكر لك أخي راشد

صحيح كلام راشد مية بالميه
ولازم تستأذن راعي البعير قبل

العفو اخي سلطان
ولا سوينا الا الواجب والدين النصيحه
وعذرك مقبول ودائما في التأني السلامه
ومنتدانا هذا منتدى يجمع كل اللي فيهم خير مثلك وشرواك وشروا اخواني الاعضاء الباقين
وكل ينصح الثاني بما يراه الافضل ويحب لاخيه مايحب لنفسه

اخوك راشد العرق

شرواك الطيب أخ راشد وتسلم