|
يربع وش افضل حل للهيام عندي القحا مهيومه فيها انتفاخ بسيط عند الديد وبعدها قل اكل الناقه وتدور الضلال وجنب حوض الما تبرد عطيتها الابره الفرنسيه وبنسلين وبعد فتره عيتها الابره الهنديه مع خافض حراره واليوم لاها رابع يوم ماتبي الاكل مره ووجها زين والناقه سمين وعادها تعبانه احد عنده حل يفزع لنا الله يفزعله من معرفه او تجربه |
رد: يربع وش افضل حل للهيام اذا متاكد انها مهيومه كرر عليها ابره الهيام الهندية ( من وجهة نظري هي افضل ابره للهيام ) بس تاكد ان بينها وبين اخر ابره عطيتها اكثر من 25 يوم واستشر البيطري فيها يمكن لها اعراض جانبية .. وودي انك تركز في دمنة الناقة .. ترا يمكنها جرح .. والله يشفيها لك .. ويبارك لها فيها |
رد: يربع وش افضل حل للهيام ابرة الهيام الفرنسية هيه الأفضل وألامن لان دقيت منها كم ناقة وطابت ودقيت من الهندية وفيخت ثلاثة نياق .. تأكد ان الا فيها هيام وحلل دمها وشوف دمنها الله يكرممك ومن يقرأ .. امكن جرح .. وسلامتك .. |
رد: يربع وش افضل حل للهيام الحاله هذي قريبه من لدغة سام والمقروصه تبرك ويطلع فيها انتفاخ حول الديد.. مع العلم ان اللقحه يصير فيها ترهلات قدم الديد طبيعي .. لكن الحاله قريبه من لدغة سام... عليك بالمضاد الحيوي بنسلين . عشرين سم . وحاول ان ترشها مويه قبل المغرب ترويش ... الله يشفيها... |
رد: يربع وش افضل حل للهيام انتفاخ الديد والمنطقه اللي حوول الزور (الكركرة ) يدل على وحدة من الثنتين حسب علمي وخبرتي الاوله هيااااام وعليك بالابرة الفرنسيه ولاتقرب الهنديه لانها ماتسوي شي والمضادات الحيويه انا شخصيا جربت الشامل ونجح معي ولله الحمد الثانيه ابو الحناحن او ابوجرجير ويدلك عليه الناقه ماتعبس او تعبس شي بسيط وهو عبارة عن فشل كلوي سواءا" فشل كلي او جزئي تلاحظ الناقه تشرب واجد وسنام مامن سنام وايضا وجهها بارد والعيون تدمع وماله علاج ولايعدي البل بالتوفيق |
رد: يربع وش افضل حل للهيام بعد التحية الافضل تعطيها الفرنسية وخافض حرارة وكذلك مضاد حيوي وتختار لها ضل وتعزلها ومن حل في وادي الهيام يهام |
رد: يربع وش افضل حل للهيام السلام عليكم اذا اللي فيها هيام عليك وانا اخوك بالثوم وزيت الزيتون تجيب كيس الثوم وتقشره وتمسك خشم الناقه وتعطيه اياها ثم تلحقه جرة الزيت كل اسبوع مره لمدة شهر وان شاء الله انه تعافى |
رد: يربع وش افضل حل للهيام الثوم الثوم الثوم اسأل مجرب عندنا ناقه صار فيها هيام قبل سنتين واعطيتها ثوم واحطه مع شوي تمر كبر حبت التفاتح ثلاث مرات او اربع لمدة اسبوع وطابة ولله الحمد وعندنا ناقه صار فيها هيام العام الماضي وذكر لي صن الوبر مع الثوم والطريقه تقطع الثوم وتخلطه بماء وتشربه الناقه وتطبخ صن الوبر ولما يبرد تصفيه وتشربه الناقه والحثل تدهن فيه الديد ولله الحمد طابة الناقه والآن لقحة |
رد: يربع وش افضل حل للهيام السلام عليكم افضل شي الثوم كل اسبوع مره ثلاث اسابيع الطريقه ثلاث حبات ثوم تقشرهاء وتخلطهاء في الخلاط مع مويه بارده وعطهاء المغرب اذا برد الجو مجرهاء ماتشوف شر |
| الساعة الآن 03 : 03 PM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |