|
هل هو مجرد صدفه ام حقيقه ابي ردودكم السلام عليكم ورحمة الله وبركاته اخواني حصل علي موقف مع احدى البكار اللي عندي وحبيت اني اطرحه لكم وابي منكم اللي عنده اي معلومه يفيدني عندي بكره سنها جذعه واضربها البعير اكثر من سبع مرات ولاعشرت منه وراح موعد الظراب ولا كتب الله لها شي وفي السنه الثانيه دخلت البكره سن الثنيه واضربها البعير ثلاث مرات ونفس الحكايه ماعشرت منه وجبت لها بيطري وكشف عليها وقال البكره ماعندها اي عارض عن اللقاح وسليمه ميه بالميه وهديت البعير عليها ولاقسم الله لها شي وقال لي واحد فيه حل ابي ادلك عليه يمكن يحل هالمشكله وتعشر البكره قلت هات ماعندك قال لي اطرد البكره لين تتعب وفك البعير عليها المهم طمرت في ظهر الشاص وتولجت البكره وطردتها لين بركت من التعب وفكيت البعير عليها واضربها وعشرت البكره بفضل الله سبحانه وتعالى وهالحين تحتها قعود اللي ابيه منكم هل سبق وان مر على احدكم مثل هذا الموضوع او سمعتوا عنه او ان الطرد مجرد صدفه بعد اذن الله سبحانه وتعالى اللي عنده اي تعليق او شرح لايحرمنا منه ولكم تحياااااتي0000اخوكم حوران العتيبي |
سمعنا ياحوران ولاشفنا والعلم عند الله |
كلشي بعد اذن الله سبحانه وتعالى نعم ياحوران سمعنا ولاشفنا وهذا الكلام اكيد بدون شك هل هوعلاج ام مجرد صدفه العلم عند الله |
السلام عليكم ورحمة الله طبعا قبل كل شيء هذا من الله سبحانه وتعالى أما الطرد والتفحيم هي طريقة مجربة ونافعة في كثير من حالات الحيال القوي لأن من أسباب الحيال ضيق حوافظ الناقة وعند طردها لفترة طويلة تتفتح حوافظ الناقة وتتوسع ويصبح رحم الناقة حار وبذلك يستطيع البعير أن يستشملها جيدا ويصل للحافظة الأخيرة التي يتم فيها التلقيح كذلك يتم تلقيح الناقة الحايل في فترة القيض لأن الرحم أيضا يكون حار وتلقح بسرعة وحياك الله |
السلام عليكم ورحمة الله وبركاته انا اعرف واحد من الربع كان عنده حايل وقدهي كبيره ومن اغلا ابله ومن اكبرها جرم وفي يوم من الايام حدها راعيها على البعير يبيه يضربها ولا انحدت له وتساعد عليها هو واللي عنده ودعستهم الناقه وطقت وقال خلوها وطردها بالموتر الين قدهي بتطيح وردها بالموتر واول مادخلت المراح فكت روحها وبركت واضربها البعير ولقحت وهي قدهي شاق نابها وهذا اول لقاح لها وقام يستخدم الطريقه مع الحيل وبعضها يلقح وبعضها مايلقح |
اقتباس:
وكان يسويها الوالد من زمان في الحيل وفي هذه الفتره ماعاد اشوف احد يسويها الانادر |
موضوع جميل ويستحق المتابعه |
اقتباس:
لاعدمتك يالغالي وتشوف خير انشاء الله لاهنت على المرور والمتابعه |
اقتباس:
لاعدمتك يالغالي وتشوف خير انشاء الله لاهنت على المرور والمتابعه |
اقتباس:
لاعدمتك يالغالي وتوضيح جميل منك يابو عبدالله تشكر عليه لاهنت على المرور والمتابعه |
اقتباس:
لاعدمتك يالغالي نفس اللي مر علي مر على رفيقك وهذا يؤكد صحة الامر لاهنت على المرور والمتابعه |
والله انا برضوا سمعت ولاشفت |
اقتباس:
لاعدمتك يالغالي ولاهنت على المرور والمتابعه |
اقتباس:
وجود اشخاص لهم خبره كافيه في الابل هو السبب اللذي دفعني للتسجيل في المنتدى لكسب الفائده والمعلومه من اصحاب الخبره لاعدمتك يالغالي ولاهنت على المرور والمتابعه |
اقتباس:
لاعدمتك يالغالي لاهنت على المرور والمتابعه |
| الساعة الآن 16 : 09 AM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |