|
إلى أهل الخبره .. الصعاد المتكرر السلام عليكم ورحمة الله وبركاته مساكم الله بالخيرات و المسرات و طابت أوقاتكم بكل خير .. يا أخوان انا عندي ناقه طيبه بالحيل ؛ أصعدت سنتين ورا بعض السنه الأولى أصعدت على أربع شهور و السنه الثانيه أصعدت قبل ملاقاها بشهر و بعد صعادها الثاني أضربتها و عشرت و كسرت بعد مده و حالت و يوم جا العام أضربتها و لقحت و اليوم أصعدت على سبع شهور ؛ فحصتها العام من الحمى المالطيه و طلعت سليمه ؛ و صلت فيني إني ما افرح بلقاحها لأني خابر تاليته ؛ مع العلم ان الناقه يسرتها زينه و تعشر من اول ضراب او ثاني ضراب و استعملت ابر تثبيت ولا من فايده ؛ السؤال / هل هناك أمراض معروفه في الإبل ممكن انها تسبب الصعاد المتكرر ؟!! و أنا شخصيا بديت أشك ان القضيه قضية عين ما ذكرت الله و الحمدلله على كل حال .. |
رد: إلى أهل الخبره .. الصعاد المتكرر خذلها عزايم وانا اخوك العين حق |
رد: إلى أهل الخبره .. الصعاد المتكرر جرب وعدلها التحليل مرة أخرى .. وابر الثبيث في أنواع قوية وانا مجربها شخصياً .. واقرأ عليها وانصحك ادا ان سويت لها كل شيء خرجها من ذمتك وبيعها محى تستفيد منها شيء كل مرة بتصعد لك لن النفس فيها .. والله يعوضك بالاحسن منها يارب .. |
رد: إلى أهل الخبره .. الصعاد المتكرر اقتباس:
العام الماضي عندي ثلاث نياق اصعدت وطلعت الزراعة وحللوا لها وحدة حصلنا فيها فطريات في الدم يسبب صعاد يعني لو حللت مالطية فقط ما بان شي وحدة من هالثلاث هي اطيب حلالي اصعدت ايضا هذه السنة حللت لها مالطية طلعت سليمة الان عرفت السبب ضعف عضلات الرحم بسبب نقص فيتامين ها = اي سيلينيوم العلاج اللي نويته كالتالي ضرب الناقة ابرة هيام مضاد لالتهابات الرحم اسمه سبروكس ابرة فيتامين سيلينيوم 25 مل لمدة خمسة ايام اكتب لك الكلام هذاوانا مثلك شاك في العين لان واحد ابلشني عندها ولا بعتها عليه وهالايام جايب ما مقري فيه وماء زمزم وابشربها وابقرأ عليها والله يكتب لي ولك الصالح |
رد: إلى أهل الخبره .. الصعاد المتكرر بعد التحية الصعاد له اسباب من الممكن مرض الهيام وكذلك نقص الفيتامينات والهجيج والزحام ع حوض العلف لكن الملاحظ من كلامك في الناقه انه نقص فيتامينات |
رد: إلى أهل الخبره .. الصعاد المتكرر فهد محمد عبدالرحمن محمد شكراً من القلب يا اخوان شما على سرعة تفاعلكم و الله لا يريكم مكروه بأنفسكم ولا حلالكم ؛ و الحقيقه ان الناقه من افضل حلالي صحه و ممشى و وبره ؛ وقد يكون الأمر زي ما تفضلتوا انه ضعف بعضلات الرحم لأنها اصعدت فالشتا وقلت من البرد لأنها ناقه عوبا ما تقبل الجلال و عقبها اصعدت فالقيض و قلت من الحر ؛ الناقه والله غاليه علي و انا وياها في ذالدنيا و اللي بيكتبه الله مرحبا به بصدر رحب و مايمنع ان حنا نبذل الأسباب بالأشياء اللي ذكرتوها عسى الله يجزاكم بالخير ولا يحرمكم الأجر كلن بأسمه و والله ان مشاركتكم تجلي الهم من القلب وشكراً مره أخرى .. |
| الساعة الآن 46 : 01 PM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |