|
رايكم وش مصيبة الناقه ؟! السلام عليكم و رحمة الله و بركاته .. مسيتوا بالخير جميع يا أخوان و أبارك عليكم حلول هذه الأيام المباركه جعلنا اللي وياكم فيها من المغفور لهم و أذكركم و بصيام يوم عرفه و لاننسى تذكير أهلنا و ابنائنا .. الموضوع يا اخوان .. عندي ناقه لقحه بالشهر السادس سنها رباع .. قبل ثلاث أيام يوم هدفت الإبل ولا هي متأخره عن الإبل بعيد على غير عادتها دايم وهي مع أول الإبل و يوم جيتها و لا الناقه ممشاها بارد جداً و كن في رجيلها فجحه زايده و يوم جات للحوض عيت تاكل و يوم جا ثاني يوم الصباح عيت تاكل الا شوي برسيم و الناقه تشرب طبيعي و خروجها طبيعي الله يعزكم و تحب تبرك يم الحوض على القاع المرشوشه بالماء و يوم شفتها كذا جبت لها طبيب شاف حرارتها وقال طبيعيه و عطاها فيتامين و فاتح شهيه و سحب منها دم و خذا عينه من دمنها تكرمون و حللها و قال الناقه ذي فيها نقص بالحديد و عطاها ابرة اسمها hemo-15 و ابره ثانيه اسمها hexasol la و يسمونها الشامل اعطيتها هالبرتين البارح اصبحت اليوم و اكلها كويس و يوم جا العشاء عيت تاكل الا شوي خبز و الناقه ممشاها ردي ما تحسن .. اللي عنده خبره الناقه وش ممكن يكون فيها لا يبخل علينا وجعل شيبانكم فالجنه جميع .. |
رد: رايكم وش مصيبة الناقه ؟! ناقتك لقحة لا ثكتر عليها بالادوية .. والاخوان يفيدونك اكثر في علتها .. والله يشفيها ويبعد عنها أي مرض |
رد: رايكم وش مصيبة الناقه ؟! تاكد من النحاز ترى ناقته ماتاكل |
رد: رايكم وش مصيبة الناقه ؟! مادام الناقة تتبع الندا والبراد فالله العالم إنها مجروحة بما يسمى في الطب البيطري التهاب كلوي ولها كي وفيه ابرة الإلتهاب الكلوي مرة وحدة وتبرا |
رد: رايكم وش مصيبة الناقه ؟! وعليكم السلام ورحمة الله وبركاته عيدك مبارك هل استمريت على الهيكسازول والحديد ؟ كم جرعه أعطيتها ؟ وكل عام وأنتم بخير |
| الساعة الآن 23 : 08 PM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |