حوار اجرب ... وناقه فيها قراد ..
 

اخواني السلام عليكم ورحمة الله وبركاته ..
اشتريت قبل فترة خلفة تحتها بكره يمكن عمرها شهر لكن فيها مناطق من جسمها مافيها وبر فوق راسها ومناطق من يديها يكون الوبر طايح وطالع جلد عادي اسود مافيه لاجروح ولاتقرحات ولاحتى تشققات.. طلعت البيطري امس عليها وقال ان اللي فيها جرب واعطاها ابره فيتامينات DEVEDRY JECT وقال كررها ثلاث او اربع ايام على شان تنشط نمو الوبر .. واعطاها بعد مرهم الكبريت قال تشبع به المناطق اللي مافيها وبر نفس المدة..
سؤالي هل فعلا هذا جرب ، وهل علاجه هو اللي صرفه لي الطبيب ؟ هل يمكن اني اغسلها بسم جرب وهي عمرها شهر ومايضرها ؟
وش انسب علاج لمثل هالحاله ؟؟د
-------------------
الحاجه الثانية : عندي نياق لقحات شاريهن من سوق وفيهن قردان كثير ، ما ادري اقدر اعطيهن ابرة الجرب على شان تطرد القردان وهل تضرهن علما بأن بعضهن مقرب ولادها ؟؟
ايش انسب ابره يمكن اعطائها لهن و كيف اعطيها ؟؟
وشكرااا ..

كيف حالك اخوي فرحان

اما بالنسبه للحوار يفيدونك هل الخبره

اما الحقات يستحسن انك ترشها بالسم معه شوي ماء

وإذا كان واجد مره تسبحها وتخلط مع الماء سم

(( وانتبه لتاريخ السم ))

الله يسلمك اخوي محمد الراشد .. واشكرك كثير على تجاوبك اللي استفدت منه الله يعطيك الف عافيه ..

الاخ فرحان الحوار الي عندك مافيه الا العافيه فيه ابل اساها جرد والجرب ما يضهر الابعد سنه من التعرض للمرض
الله العالم ان البيطري يتفلسف
البل الكبار تعطيها ابر ولا كن اللقاحات امسحها بلجرة مخففه بماء
والقراد الصغار يسمى .. حلم .. وله موسم يضهر فيه ويختفي واذا كان هذا الى تقصد عطها ابرة لطفيليات علما ان الحلم يخرج من الجسم في بعض الاوقات الي تكون الناقه موبوئه
تحياتي

فيصل ماقصر
والبيطري دواه جيد ولكن الكميه كثيره جدا على الحوار

أخواني
فيصل بن مرخان
عيد المنصوري
ماقصرتوا الله يعطيكم العافيه .. اعطيت الحوار ابره جرب وطاب ابشركم
الله لايحرمنا منكم ويكثر امثالكم ..

ماقصروا الاخوان
بس الحوار افضل ان لاتعمل به شيء من غير استشارة الطبيب
الابل اغسلها مرة كل 3 ايام لمدة 9 ايام

مشكور اخوي بدر الله يعطيك الف عافيه