|
البل تولوها قلال المحاصيل@@اللي عزايمهم هزالٍ ورثه أرحبوا إليكم هذه المتواضعة التي هي أحدث ماقلت من قصائد وقد نظمتها هذه الليلة علّها أن تشفع لي في تقصيري معكم الهاجس اللي دكبي تالي الليل=اللي بحث خافي كنيني وبثه وأضفى على جوّي هموم وغرابيل=وأدنى الزعل والبسط جاحه وجثه حالة مساجينٍ عليها الدهر ميل=حنينها قطّع فوادي وغثه اللي فحلها هدرته طلعت سهيل=سودٍ سماريها وساعٍ وشثه البل تولوها قلال المحاصيل=اللي عزايمهم هزالٍ ورثه عاقوا سلوم البل خبول ومهابيل=والخبل لاجا سلم الأجواد خثه يوم أشتروها جودوا الشبك بالحيل=وأرهوا جريشٍ جاب للذود غِثه وقعد سنينٍ ماستجد المنازيل=ومن طول مجلاسه كلا الفرش عثه عاقوا هواها عن وساع المداهيل=رقاق الديار اللي مساسٍ ودمثه يازينها لاما أنتوت للمحاويل=يبهج فوادي شوف مشيٍ تحثه تبي لها قفرٍ سقي بأول الليل=وشربت هبوبه بعد مالوبل دثه البل تبي قرمٍ يدل الدواليل =يتبع هواها ونوّها مايلثه قطفت من بستان فكري شماشيل=وقدمّت باقة ورد ماهيب كثه وسلامتكم |
حجز 1 ولي عودة تليق |
الجزل والمبدع الشاعر شجاع الاكلبي .. من اجزل ماقريت هذه القصيده اللتي قل من يستطيع نظم قافيتها لصعوبتها ولكن سقتها سوق الركايب لين طاوعت غصب. صح لسانك والله مثل ماقلت جمعوها قليلين محاصل المراجل كثيرين محاصل المال . بيض الله وجهك. |
الله الله الله..... صح الله السان ورفع الله مقامك... والله يبيض وجهك على القصيده الاكثر من رائعه.... ودمت |
الله الله الله..... صح الله السانك ورفع الله مقامك... والله يبيض وجهك على القصيده الاكثر من رائعه.... |
اقتباس:
أرحب يابو عبدالله حجزك مؤكد ok مرورك شرف لي تحياتي لك |
البل تولوهـا قـلال المحاصيـل اللـي عزايمهـم هـزالٍ ورثــه عاقوا سلوم البل خبـول ومهابيـل والخبل لاجا سلـم الأجـواد خثـه صح السانك هذه القصيده والقفيه الصعبه لا يستطيع نظم قافيتها لى قليل لصعوبتها ولكن شجاع اجاد الصعب سهل |
الهاجس اللي دكبـي تالـي الليـل اللي بحث خافـي كنينـي وبثـه وأضفى على جوّي هموم وغرابيل وأدنى الزعل والبسط جاحه وجثه حالة مساجينٍ عليها الدهـر ميـل حنينهـا قطّـع فـوادي وغـثـه صح لسانك |
اقتباس:
أرحب يالبدراني صح بدنك ووجهك أبيض ولاهنت على كريم مرورك وعذب إطرائك ولا عليك زود تحياتي لك |
صح لسانك يا شجاع شاعر جزل ومبدع والله يوفقك وعزا الله انك طحت على العوق يا شجاع هيضتنا وحنا ورانا دوامات واشغال الله يسامحك بس بيض الله وجهك وعزالله بيوتن ذربة |
اقتباس:
أرحب يابو عبيد صح بدنك ووجهك أبيض لاهنت على كريم مرورك وعذب إطرائك تحياتي لك |
صح لسانك وبيض الله وجهك |
البل تولوهـا قـلال المحاصيـل اللـي عزايمهـم هـزالٍ ورثـه عاقوا سلوم البل خبـول ومهابيـل والخبل لاجا سلم الأجـواد خثـه ============= الغالي جدا أبو عمر شجاع الاكلبي بيض الله وجهك وسلمت يمينك والف صح لسااانك يا أبو عمر وأشهد أنك صدقت فيما قلت سجل الاعجاب والتقدير أما الجزالة فأنت أستاذها أخوك ومغليك |
السلام عليكم صح الله لسانك وبيض الله وجهك |
توصيف مبدع .. وكلام جزل .. وشاعر جزالة .. لاهنت يالاكلبي |
| الساعة الآن 05 : 10 PM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |